Ýagshylyk edip yetishemoga!
- Magtymguly aga! Siz ile belli şahyram weli, hol pylany bar-a. Ana, şol siz barada bir ýakaşyksyz çöwre gürrüňe başlasa, asyl, gutarar ýerde gutarybam bilenok-da.
- Ýok, sen meň ýanymda beýle bolar-bolgusyz zady aýdyp oturma. Aýdaýsaňam, bilip goýgun, oňa ynanman. Sebäbi o diýýän adamyň meň gürrüňimi etmez. Üçinimi? Häzirlikçe men ol kişä ýagşylyk edip ýetişip bilemok. Çünki bu külpetli eýýamda ýagşylyk edenleriň ilki garşyňa çykyp ugragyç bolupdyr-a.
Arhiwiň ýagdaýy
● Doly tekst
● 17/17 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 28 maý 2012 ý. · Asyl sahypany gör ↗
Teswirler 17
- “Ýaz düýşüniň ýary ýalan, gyş düýşüniň bary ýalan” diýipdirlerem-ä welin, halypa, öten agşam bizem-ä geň galaýmaly düýş görendiris.
- Aýdyň, Döwletmämmet molla, erenler düýşi, pygamberler ýorgudy bolsun.
- Daňa golaý elime bir düwme gowşurýarlar. Gabarasy goçagam däl ýaly welin, şeýle bir şirin owazy bar, hoşuň gelsin. Süňňüňe sarsgyn salşyna, ed-dil aňkaňy aşyryp gelýär. Onuň nägeňsi gudratlygyny soramda-da: “Munuň mukamy magrypdan maşryga ýetäýmelidir” diýşip otyrlar.
- Dogrudanam, düýşüňiz-ä oraşan ýaly. Ýöne aýtsaňyzlaň, zagypaňyz hamyla dag-a däldir-dä?
- Hamyladyr özün-ä.
- Onda siziň ogluňyz bolup, onuň pähim-paýhasdyr hoş zybanlyk owazasam magrypdan maşryga ýaň salar, Döwletmämmet molla - diýip, bu düýşüň ýorgudy ýetirilensoňam, uzaga galman Magtymguly Pyragy dünýä inipdir.
Eý, ýaranlar, bir bigaýrat ýigidiň,
Müň ýaman söz aýtsaň, janyna degmez;
Zynhar, düşmäň namartlaryň goluna,
Ger, öldürseň, nähak ganyna degmez.
Söz bilmeseň, bileniňi aýtmasaň,
Söz sözledip, söz aslyna ýetmeseň,
Ýaý çekeňde, dogry garap atmasaň,
Ol okuň nyşanaň ýanyna degmez.
Magtymguly, sözüň bilene sözdür,
Bilmegen adama gury owazdyr,
Gözel bar, müň tümen iýdirseň azdyr,
Gözel bardyr, iýen nanyna degmez.
Her kişiniň iki bolsa aýaly,
Gije-gündiz işi kyl-u kal bolar.
Her biriniň bardyr ýüz müň hyýaly,
Owkat sürüp, gördüjegi hal bolar.
Birin söýüp, birin eýlese naçar,
Ile ryswa bolup, öz aýbyn açar,
Akly haýran bolup, baryndan geçer,
Deň tutmasa ýaryn, bikemal bolar.
Gähi bilbil kibi saýrar tilleri,
Tomaşadan häzir eder illeri,
Gähi ýer ýumruklar, gähi-külleri,
Ärin göre bilse, tilsiz-lal bolar.
Gahr eýleýip, gelmez bolsa ýanyna,
Söz aýtmasa her biriniň şanyna
Beýle är goşulmaz adam sanyna,
Iki hatyn, bir är-üç aýal bolar.
Magtymguly, kimse bilmez batyny,
Öýlenseňiz, garap alyň zatyny,
Eýäm görkezmesin ýaman hatyny,
Adam özün bilmez, ham - hyýal bolar.
Gözel bardyr, gözellerden zyýada,
Anyň hyzmatynda durasyň geler;
Edepli, erkanly, mylaýymzada,
Tä ölinçäň bile ýöresiň geler.
Gözel bardyr, uzyn boýly, alkymy -
Garaňky gijede düşer ýalkymy,
Sözlegen sözleri misli bal kimi,
Ýaňagyndan posa alasyň geler.
Gözel bardyr, günde-günde görmeli,
Şol gözeliň syýa zülpün örmeli,
Döküp, hazynanyň zerin bermeli,
Anyň söwdasynda bolasyň geler.
Bagzy gözel sirkä basdyr saçyny,
Artmaz, ýuwmaz, tabagyny, daşyny,
Sylamaz atasyn, ene, ýaşyny,
Anyň hyzmatyndan gaçasyň geler.
Gözel bardyr, ak kagyz dek bilegi,
Jan içinde bile bolar ýüregi,
Şeýle gözel mert ýigidiň geregi,
Ne hajat istese, beresiň geler.
Magtymguly, syn gerekdir gözele,
Herne kysmat bolsa, tartar ezele,
Dünýä malyn harç et ýagşy gözele,
Ýamanyň ýanyndan gaçasyň geler.
Gel, köňül, ýara gideli,
Hemra bolsaň, ýör biläni!
Ýar ýolunda gadam goýsak
Paý ornuna ser biläni.
Asmanyň görki enwerdir,
Dünýä görki sim-u zerdir,
Jeset-toprak, jan-jöwherdir,
Alyp bolmaz zer biläni.
Şunkaryň peri ýetiler,
Köp daşy ýyrak atylar,
Ýigidiň ady tutular
Garyndaş, hossar biläni.
Guwanmagyl syratyna -
Müner sen gahar atyna,
Duş bolsaň ýaman hatyna,
Ömrüň öter şer biläni.
Bahyl baýda berim bolmaz,
Merdiň sözün bawer kylmaz,
Arwananyň ýüki galmaz,
Ýola girseň ner biläni.
Ganymatdyr gardaş ýüzi,
Dowadyr gadamy-tozy,
Bir eblehiň näkes sözi
Barabardyr nar biläni.
Pisiň garşysynda durma,
Bahylyň ýüzüni görme,
Ker bilen hylwat söz urma,
Ýola girme kör biläni!
Ýaman bilen ýoldaş bolma,
Duşman bile syrdaş bolma,
Tagamda tabakdaş bolma
Üflis haramhor biläni!
Iliňden gitseň awara,
Şonda bolar sen biçäre,
Goňşy bolsaň haramhora,
Sütem eýlär zor biläni!
Algyl pendim, akmak kişi,
Özüňe kylma käýişi,
Götermese döwlet guşy,
Uçup bolmaz per biläni!
Ýagşyga özüň ýar eýle,
Mejlisinde bazar eýle,
Reft-amed kyl, mydar eýle,
Söweş etme şir biläni!
Magtymguly, ýakyn, ýatlar,
Gamgynlar-u köňül şatlar, -
Dünýä gelen barça zatlar
Ýegsan bolar ýer biläni!
Hiç köňül şatlygy çykmaz
Bir köňül ýykmaýan ärden.
Ýagşylyk tamasyn etmäň,
Ýamanlyk çykmaýan ärden.
Kimse ile beglik eder,
Bir jem bilen ýola gider,
Kethudalyk ýyrak gider,
Ýaman söz çekmeýen ärden.
Ýagşy är il aýbyn açmaz,
Göre-bile haram içmez,
Ýaradan ýazygyn geçmez,
Gözýaşyn dökmeýen ärden.
Eglenmez, eýýam öwrüler,
Zaman öter, nyrh çöwrüler,
Agyr döwletler aýrylar
Bir agza bakmaýan ärden.
Goçaklara ýasaw güni,
Gurda goýmaz şir awuny,
Pygamber bizar ýow güni,
Ýoldaşa bakmaýan ärden.
Öz-özünden akly ýetmez,
Akyllaryň sözün tutmaz,
Ýoksullyk ýok bolup gitmez,
On iş derk etmeýen ärden.
Magtymguly, ýangyl, öçgül,
Ýa lal otur, ýa dür saçgyl,
Bir guýruksyz itdir, gaçgyl
Nesihat ýokmaýan ärden!
Ýokardaky tymsallar Ümür Esenowyňky öýdýän.
👍
👍
Pyaragy bolup biljek yok....👍
Goshgularyn we hakayan uchun sagbol!!!👏
Men 3-4 günlükde edebiyat sahypasyna Magtymguly hakynda Ýerdäki melegiň ejeligi diýip bir hekaýa okladym. Emma kän bir gyzyklanan bolmady, teswirem az boldy.
okadym teswir yazman haladymy basypdym
Daway yhlasly goysana shol oly wariantyny hem biz okarys howes bilen!
<animated type=:Анимированные:Побью:>
Hiç köňül şatlygy çykmaz
Bir köňül ýykmaýan ärden.
Ýagşylyk tamasyn etmäň,
Ýamanlyk çykmaýan ärden.
Kimse ile beglik eder,
Bir jem bilen ýola gider,
Kethudalyk ýyrak gider,
Ýaman söz çekmeýen ärden.
Ýagşy är il aýbyn açmaz,
Göre-bile haram içmez,
Ýaradan ýazygyn geçmez,
Gözýaşyn dökmeýen ärden.
Eglenmez, eýýam öwrüler,
Zaman öter, nyrh çöwrüler,
Agyr döwletler aýrylar
Bir agza bakmaýan ärden.
Goçaklara ýasaw güni,
Gurda goýmaz şir awuny,
Pygamber bizar ýow güni,
Ýoldaşa bakmaýan ärden.
Öz-özünden akly ýetmez,
Akyllaryň sözün tutmaz,
Ýoksullyk ýok bolup gitmez,
On iş derk etmeýen ärden.
Magtymguly, ýangyl, öçgül,
Ýa lal otur, ýa dür saçgyl,
Bir guýruksyz itdir, gaçgyl
Nesihat ýokmaýan ärden!
Köp sag bol goşgularyň üçin. Şu goşgyny has hem haladym.
Magtymguly, ýangyl, öçgül,
Ýa lal otur, ýa dür saçgyl,
Bir guýruksyz itdir, gaçgyl
Nesihat ýokmaýan ärden!
Sözüň soňy! Diýere zat köp welin şu sözleriň üstün bolanok. Geliň şu bendi okap biraz oýlanyp göreliň!
Hatem-i Esam diýip bir Yslam alymy ýaşap geçipdir. Oňa biri dinimiz barada sorag soramana geldipdir, ýöne soramaka isleginiň daşynda ýel goýberäýipdir we çym-gyzyl bolupdyr utanjyndan. Hatem hem oňa:Sen näme diýdiň? Gulagym agyrrak, ýanyragyma gelip soragyňy sora! diýipdir. Ol adam begenip gidipdir we müşgüliniň çäresinem öwrenip gidipdir. Şodur-şodur Hatem hezretleriniň Esam (ker) lakamy hem döräpdir.
Soň bir gün dostlary bn gezip ýörkä, uzakdan möýüň kerebine çolaşan bir siňegiň wyzzyldysyna eşidip:Heý, siňejik, kanagat etmän her ýere sermenip, ahyr möý kerebine düşüp, indem halas boljak bolup wyzzyldaýaňmy? diýip seslenäýipdir. Dostlary onuň ker dälligine geň galyp, sebäbini sorasalar olam:
Men özüme iliň gybatyna we meni ýamanlamagyna we olaryň säwliklerine garşy özümiň kerligimi kabul etdirdim. Netijesinden köp günäden halas we köp sogaba-da eýe boldum. Bu ýagdaýy size-de maslahat berýärin, dostlarym! diýipdir.
Men hem size maslahat berýän şu ýagdaýy, agza we myhmanlar!