Elguşuny tapan goja (erteki).

   Bir bar eken, bir ýok eken. Ga­dym za­man­lar­da bir aw­çy bar eken. Ol aw edip, gün-gü­ze­ra­ny­ny aý­lar eken. Aw­çy nyň bir el­gu­şy bar eken. El­guş he­mi­şe aw­ça aw aw­la­ma­ga kö­mek eder eken.
Yn­ha, gün­le­riň bi­rin­de aw­çy el­gu­şy­ny ýi­ti­rä­ýip­dir. Ol mu­ňa ga­ty gy­na­nyp­dyr. Se­bä­bi aw­çy­nyň ýa­şy bir­çe­ne ba­ran eken. Aw aw­lan ma­ha­ly el­guş oňa yh­las bi­len kö­mek eder eken.Bir gün aw­çy özü­niň el­gu­şy­ny göz­le­mek üçin ýo­la dü­şüp­dir. Ol ep-es­li gün­läp dag­la­ry ge­zip, çöl­le­ri sö­küp ýol ýö­räp­dir. Em­ma onuň el­gu­şun­dan hiç bir de­rek ta­pyl­man­dyr. Ahyr­so­ňy, aw­çy gi­dip bar­şy­na bir şä­he­riň çe­tin­den ba­ryp­dyr. Ol örän ýa­daw bo­lan­dy­gy se­bäp­li bir ýer­de düş­le­me­gi ýü­re­gi­ne dü­wüp­dir. Şä­he­riň adam­la­ry aw­çy­ny mymh­man­sö­ýer­lik bi­len ka­bul edip­dir­ler. Ha­çan-da, aw­çy öz hal-ah­wa­ly­ny aý­dan­da, şä­he­riň hal­ky oňa ba­za­ra ba­ryp gör­me­gi mas­la­hat be­rip­dir. Se­bä­bi şol dö­wür­ler ba­zar­da el­guş­la­ry­na çen­li, ady­ny ag­zan za­dyň bar eken.Aw­çy az sa­lym dem-dyn­jy­ny alyp, “Ni­re­de­siň, ba­zar” di­ýip ýo­la dü­şüp­dir. Ol ba­za­ra ba­ran­da, ol ýer­de sa­ty­lyp otu­ran bir­nä­çe el­gu­şy gö­rüp­dir, syn­lap­dyr. Em­ma ola­ryň için­den öz el­gu­şy­ny

tap­man­dyr. Tu­kat­la­nyp, ba­zar­dan çy­kyp bar­ýar­ka, aw­çy­nyň öňün­den bir go­ja çy­kyp­dyr. Go­ja aw­ça ýüz­le­nip:- Ýe­ri, päl­wan! Bi­jaý tu­kat gö­rün­ýär­siň-le – di­ýip­dir. Aw­çy:- Tu­kat däl-le, el­gu­şy­my ýi­tir­dim. In­dem ta­pyp bi­le­mok – di­ýip, go­ja öz der­di­ni aý­dyp be­rip­dir. On­da go­ja:
-Men­de-de bir el­guş bar, öý­de. Is­le­seň, öýe gi­de­li, syn­lap gör. Bel­kem, sen ony ha­lar­syň – di­ýip, aw­ça tek­lip edip­dir.

Şeý­le­lik­de, aw­çy­dyr go­ja el­gu­şy gör­mek üçin go­ja­nyň öýü­ne ta­rap ug­rap­dyr­lar. Az sa­lym­dan olar go­ja­nyň öýü­ne ba­ryp ýe­tip­dir­ler. Go­ja aw­ça el­gu­şy gör­ke­zip:
-Bir­nä­çe aý mun­dan öň uçup gel­di. Ge­le­ni bä­ri iýe­no­gam, içe­no­gam – di­ýip, aw­ça el­gu­şyň ha­ly­ny be­ýan edip­dir. Aw­çy si­ňe se­ret­se, el­guş onuň özü­niň­ki bo­laý­sa nät­jek! Ol be­gen­jin­den uçaý­jak bo­lup, go­ja el­gu­şyň özü­niň­ki­di­gi­ni, onydyr­nak­la­ryn­dan hem-de çüň­kün­den ta­nan­dy­gy­ny aý­dyp­dyr. Go­ja ara sa­lym ber­män, el­gu­şy aw­ça gaý­ta­ryp be­rip­dir. Ine, şeý­di­bem aw­çy öz el­gu­şu­na gow­şup­dyr. 
Zaman gazetinden aldym.