6-njy bap: Şorguýa çenli. Kesearkaç, Mämmet Seýidow
ŞORGUÝA ÇENLI
Çekenäni halas etmek üçin ýola düşmeli atlylar bellenen ýere ýygnanyp ugranda, gündogar tarapda symgylt zolak emele gelipdi. Ine bu daň tilki guýruk boldy diýilýän wagtdy. Ýigitleriň ikisinden başgasy ýygnanypdy. Entek gelip ýetişmedikleriň biri Garamergendi, beýlekisi Nurahmet serdarlaryň goňşusy Atagulydy.
— Handan, Ataguly turmadymyka? — diýip, Ahal özi ýaly dor bedewli ýigitden sorady.
— Bir-ä bir turupdy.
Handan sözüniň yzyny aýtmanka, ümrüň içinden çykan ýaly bolup atly göründi.
— Hanha, gelýärem asyl — diýip, Handan sözüniň üstüni ýetirdi. Ataguly ýoldaşlary bilen salamlaşandan soň, Garamergene bir käse çaý içer salym garaşdylar. Gündogaryň symgylt zolagy barha ulalýardy, agarýardy. Gädile-gädile oraga dönen aý dik depede görünýärdi. Aýyň ýagtylygy diňe özüniň bardygyny bildirmäge ýetýärdi.
Aýa gözi düşen Ahal ejesiniň: “Dört tirkeşikleriň soňky aýam aýaklap barýar” diýeni ýadyna düşdi. Bu aý türkmenlerde ýigrimi dokuz günden ybarat aýlaryň biridi. Indiki aý Rejep, soňky Meret, Meretden soňam Oraza aýy. Bu bolsa tomsuň yssy wagtlary, günüň uzyn wagtlary bolar. Ahal agzyny beklänok. Ýöne ejesi selälige turanynda oýanyp, onuň bilen çaý içmekden lezzet alardy. Her ýylda diňe bir gün selälige ýörite turardy. Olam gadyr gijesi diýilýän gijedi. Şol gün naharam iýýärdi, agzynam bekleýärdi. Tomsuň ot ýaly uzyn günlerinde agyz beklemegiň nähili kyndygyny ol bilýärdi.
Siz ýazyjy Mämmet Seýidowyň "Kesearkaç" romanynyň dowamyny okamagy halaýaňyzmy?
Hawa! Elbetde, Sawyer dost! Yzynam, gaýrat et-de, ýazsana... Men çeper eser, edebiýat bilen biçak gyzyklanýan!!! Türkmen dilimizi we edebiýatymyzy ösdüreliň!!!!(100%, 5 adam)
Ýok! Gerek däl, Sawyer dost! Men rap diňlemegi, agent ulanmagy, futbol görmegi, mowzukda orsça, iňlisçe we türkçe teswir ýazmany we şol dillerde mowzuk açmany, admin bilen sögüşmegi we bir zat bolsa saýty günäkärlemegi halaýan. Maňa seniň çeper eseriňden bir köpük peýda ýok!!!(0%, 0 adam)
Arhiwiň ýagdaýy
● Doly tekst
● 31/31 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 18 iýun 2012 ý. · Asyl sahypany gör ↗
Teswirler 31
Bu waka galtamanlar üçin garaşylmadyk ýagdaýam bolsa Garrybaý üçin garaşylmadyk ýagdaý däldi. Oňa ol düýnden bäri garaşyp ýördi. Ol gaçan galtamanyň yzyndan erbet sögünip galdy.
Atlylar Garrybaý bilen salamlaşdylar. Şorguýuda özüniňkilerden başga garaşýanyň ýokdugyny eşidip, çopan hasam ynjaldy. Süri şu pursatdan başlap öňki kaddyna geldi. Edil öňki inýän wagty gün guşluga galanda suwa indi. Ýöne ol suwa Köwreýikli guýusynda däl-de, Şorguýuda suwa indi. Ahalyň atlylaram süri bilen gaýdyp geldiler. Olaryň gelmegi bilen Gulgeldiniň kömekçileri köpeldi.
Ahal gozganyp bilmän oturan Haly begi görüp Garamergene tarap seredip güldi.
— Sen ýene öňki diýeniňi edipsiň-ow.
— Şeýtmeseň boljak däl. Gaçan galtamanlaryň geläýmegi ahmal. Olar geläýdigi, şeýtmeseň bu gaç jak bolar. Şeýtseň welin arkaýynrak bolýar — diýip, Garamergen gürledi.
Tarhan, guýynyň başynda öz işine girişdi. Gök iner bilen gowalap suw çekýärdi. Olary pagladyp, nowalara guýýardy. Onuň balagy öňküsi ýaly çermelip dyzyndan geçirilipdi. Haly begiň aty onuň ýanynda jylawy gaýtarylgy taýýar durdy. “Häh” boldugy “Mäh” bolaýmalydy. Gulgeldem töwereginiň kömekçileri köpelensoň galan işleri olara tabşyryp, kakasyna goýny bölüp goýbermäge kömekleşmäge gitdi.
Şorguýuda ýigitler iki gün boldular. Onuň töweregini torç edip aýlandylar. Dolanyp galtamanlardan derek tapmadylar. Edil Haly begiň aýdyşy ýaly boldy.
— Olar indi gaýdyp gelmezler — diýip, ol ýaranlary gaçan wagty aýdypdy.
— Näme üçin gelmezler? — diýip, Ahal sorady.
— Sebäp olar haramzada. Nöker däl. Mugt ýalyň güjükleri — diýip, jany ýangynlylyk bilen aýtdy.
Ine, dostlar! Ýazyjy Mämmet Seýidowyň Kesearkaç romanynyň Şorguýa çenli atly 6-njy babyny hem tamam etdik. Eseri halanyňyz we goldanyňyz üçin köp sag boluň! Bu romanda türkmen halkynyň geçen asyrlardaky, aýratynam 17-nji we 18-nji asyrlarda başlaryndan geçen agyr durmuşy, güzeran aýlamasy, pajygaly ýagdaýlary çeper beýan edilýär. Eseri okap, içine girip giden ýaly bolýarsyň. Özüm-ä şeýle.
Meni siziň çeper eserlere bolan teşneligiňiz diýseň begendirýär, guwandyrýar, buýsandyrýar. Sebäbi, çeper eserler adamlaryň öz dili we edebiýaty baradaky sowatlaryny kämilleşdirmekde aýgytly rol oýnaýandyr. Men çeper eser kitaplaryny elektron ýazga geçirmeklik işini, zähmetine garamazdan, hökman dowam ederin. Esasy zat, siz halap okasaňyz bolýar. Ýat ýurtlarda türkmençe kitap gözläp, kösenip ýörmeseňiz bolýar. Ol ýerlerde türkmen kitaphanalary ýokdur. Şonuň üçin, alyň, size online kitap.
Internetde osça, iňlisçe, türkçe online kitaplar bar-da, türkmençe hiç hili online kitap ýok ahyry. Goý, bu ajaýyp kitaplary kitaphanalarda tozan, çaň basyp ýatmasyn. Internetde mydamalyk durup, islän adam özüne göçürip alybersin. Şeýtsek, bu işi merhum ýazyjylarymyzyňam (hususan-da, ýazyjy Mämmet Seýidowyň) ýagty ýadygärligine bagyşladygymyz we olaryň ruhuny şat etdigimiz bolar.
Rapi halayan 🙂 yone shu mowzuklanam okayas keyp bilen sawyer tuweleme 😉
malades Sawyer
mendenem bir + !
Romanyň dowamyny hem ýazaýynmy?..
Dost, bu romany heniz soňuna çenli ýazjak dälmi? Ýa iş köpmi?
Salam dostlar! Uzaga cheken arakesmeden sonra mana-da teswirlere, oz dostlarymyn yanyna gelmek miyesser etdi. Name sebapli gelmedigimin sebabini aytsam, elim degmedi.
Kesearkach romany barada aytsam, men bu romany doly tamamladym. Nesip bolsa, yakyn gunlerde sizin dykgatynyza yetirerin. Romanyn indiki bolumleri has hem gyzykly. Gynanchly yerleri has kop.
Menin bilen shahsy habarlashmakchy bolsanyz, shahsy habarlashma yazayyn.
Sag bolun!
Bu romany okapdym önrak. hemmesini kompyuterde tazeden yazyan bolsan köp wagtyny alyandyr.