"Ong Bak" hakynda 10 fakt

"Ong Bak" filmini köpçülik gören bolsa gerek. Bu filmde baş roly ýerine ýetiren aktýor hakynda nämeler bilýäňiz? Biz size bu aktýor hakynda 10 sany fakty hödürleýäris.

1. Hakyky ady Panom Ýeerum (Toni Jaa). 1976-njy ýylyň 5-nji fewralynda Taýlandaky Si-Saket obasynda dogulýar.

2. Ata-enesi şaly ýetişdirmek we pil bakmak bilen meşgullanan.

3. Çagalygynda Brýus Li we Jeki Çan gatnaşmagyndaky filmleri söýüp tomaşa eden we şondan soň olar ýaly söweş filmleriň ýyldyzy bolmagy arzuw edip başlaýar.

4. Ol bu arzuwyna ýetmek üçin muaý-taý bilen meşgullanyp başlaýar.

5. Toni muaý-taý mekdebinde meşhur rejissýor we kaskadýor Panna Rittikraj bilen tanyşyp galýar we birnäçe filmlerde oňa kömek edip, onuň bilen bile meşgullanýar.

6. Toni "Ölüm söweşi-2" ("Mortal Kombat-2") filminde Robin Şu üçin kaskadýorlyk edýär.

7. Ol debýut rolyny ýerine ýetirmegine çenli 10-dan artyk filmlerde kaskadýorlyk edýär.

8. 2003-nji ýylda baş roly ýerine ýetiren "Ong Bak. Taý söweşijisi" filmi uly ekranlara çykýar. Gyzykly tarapy filmdäki ähli hereketler hakykydy.

9. Panom 2008-nji ýylda "Ong Bak 2", 2010-njy ýylda bolsa "Ong Bak 3" filminde baş roly ýerine ýetirýär.

10. Aktýor häzire çenli 15 sany filmde rol oýnamaga miýesser bolýar.

Çeşme: Furkat.uz