ÝENE-DE HAKYDAMDA ÇAGALYGYM...

Ýene-de hakydamda çagalygym;

Burny deşijek joraplarym,
Ýamaly topum, alaja itim,
Futbol eşigim, körje pişigim,
Üç teker tigirim,
Ýykylan ýerim, ýaralanan elim,
Sypjyrdan dyzym, ýara yzym,
Aşyk oýnan dostlarym,
Aşyk bolan gyzlarym,
Mekdebe gidýän ýollarym,
Başlangyç synp mygallymym,
Okuw gündeligim, demir iligim,
Alan bäşligim, günlük harçlygym,
Ilkinji ýazan goşgym,
Aleksandr Sergeýewiç Puşkin,
Ýaşyl depderim, uçuran kepderim,
Aýdabilmedik sözüm,
Gyzaran ýüzüm,
Rehimsiz ýolan güllerim,
«Yşga düşen günlerim»,  
                    ... 

Ýene-de hakydamda çagalygym.

Awtory: Begençgeldi Orazow;
Çeşme: www.pelsepe.com