gysgajyk teswirler

Ikiniň sylagy birin azdyrar.
Azdyrylan azgyn soň ir-u-giç ol ikiňem başyna ýeter.

Pişigiň ýyndamlygy samanhana çenli.
Hudaýa şükür, ýöne kä wagt samanhana uzagrakda bolýarmy – ýetdirman geçäýýär.

Gülüň arka tarapy yokdur. Ol hemme tarapdan gözeldir.
Muňa akyl ýetirmek üçin özüňem gülüň derejesine ýakynlamaly-da.

Ogrulyk eden uyalmaz üstüne gelen uýalar.
Ogry uýaljak bolsa, entek ogurlyk etmänkä uýalardy. Belki, şonuň üçin üstüne gelen uýalýandyr.

Yatyp galandan atyp gal.
Belki, degmejek oky atanyňdan ýatanyň gowudyr.

Iti öldüren süýrär.
Hakyky itiň maslygam işdir
.
Görer gözüň gymmaty kör ýanynda bellidir.
Megerem, kör gözüň gymmatyny bilmez. Gözüň gymmatyny gözli körem bilmez.

Meniň göwnüm Aýa bakar,/ Aý bakar asmana garşy.
Göwün pahyryňky mydama şeýle, onda-da enäň göwni.

Gitse bagdan gidýär, bagbana näme.
SSSR-i ýykan gep. Bagyndan aýry bagbana bagban diýilmez.

Ýat itiň guýrugy ýamzynda.
Bu öňki döwrüň itlerine degişli bolaýmasa.