Nokia 5800 üçin täze proşiwka! v52.0.007

Size täze begendiriji habar ýetireýin diýdim. 5530 üçin çykan täze proşiwkadan soňra, 5800 üçin hem täze proşiwka çykdy. Girizilen üýtgeşmeleriň sanawy ep-eslije bar.

Ine, üýtgeşmeler barada näme diýilýär:

Internet Browser täzelenen (v7.2.6.9);

Displeýiň öwrülme tizligi çaltlandyrylan;

Ses kolonkalarynyň ses çykaryjylygy biraz güýçlendirilen;

Kinetika gowulandyrylan;

Şrift üýtgedilen;

Habar beriji hatlardaky käbir ýalňyşlyklar düzedilen;

CPU'nyň öndürijiligi ýokarlandyrylan – reaksiýa wagty gowuja tapawut berýär;

NokiaEmail pozulyp aýrylan;

Galereýa kämilleşdirilen – suratlar we wideo bilen işlemek ýeňilleşen;

Wi-fi işleşi kämilleşdirilen;

Mundan başga-da OVI we RDS bilen bagly kämilleşdirmeler geçirilen.

Nesip bolsa, menem 1 aýyrakdan goýup görjek. Şu wagt ylaýygyrak Mod çykýança garaşaýyn hemem ulanyjylaryň pikirlerini göreýin diýip otyryn.

Sag boluň!