Transfer täzelikleri

Çem­pi­on­lar li­ga­sy­nyň soň­ky çem­pio­ny “Bar­se­lo­na” to­pa­ry “At­le­ti­ko Mad­ri­diň” tür­ki­ýe­li fut­bol­çysy Ar­da Tu­ran bi­len 5 ýyl­lyk şert­na­ma bag­laş­dy.
“Ka­ta­lon­lar” 28 ýaş­ly ýa­rym­go­rag­çy üçin mad­rid­li­le­re 34 mil­li­on ýew­ro be­rer. Eger-de “Bar­se­lo­na” gel­jek möw­süm­de Çem­pi­on­lar li­ga­syn­da çär­ýek fi­na­la çyk­sa, on­da olar ýe­ne-de 7 mil­li­on ýew­ro­ny “At­le­ti­ko” to­pa­ry­na ber­me­li bo­lar. 2011-nji ýyl­da 11 mil­li­on ýew­ro ba­ha “Ga­la­ta­sa­raý­dan” “At­le­ti­ko” to­pa­ry­na trans­fer bo­lan Ar­da Tu­ran mad­rid­li­le­riň dü­zü­min­de “La Li­ga­da” 127 du­şu­şyk oý­na­dy. Ol şol oýun­lar­da 13 ge­zek ta­pa­wut­lan­ma­gy ba­şar­dy. Mil­li ýy­gyn­dy­da 81 ge­zek meý­dan­ça çy­kan Ar­da Tu­ran 2016-njy ýy­lyň ýan­war aýy­na çen­li “Bar­ça­nyň” köý­nek­çe­si­ni geý­mez. Se­bä­bi “Bar­ça” to­pa­ry­na FI­FA 2015-nji ýyl­da oýun­çy trans­fer et­me­gi ga­da­gan edip­di.
* * *
UEFA Ýew­ro­pa li­ga­sy­nyň ýe­ňi­ji­si “Se­wil­ýa” uk­ra­in fut­bo­ly­nyň soň­ky ýyl­lar­da­ky ýyl­dy­zy, “Dnepr” to­pa­ry­nyň oýun­çy­sy Ýew­ge­niý Ko­nopl­ýan­ka­ny tö­leg­siz trans­fer et­di. 25 ýaş­ly hü­jü­me go­laý ýa­rym­go­rag­çy tä­ze to­pa­ry bi­len uzak möh­let­le­ýin şert­na­ma bag­laş­dy. 2007-nji ýyl­dan bä­ri “Dnepr­de” oý­nap gel­ýän Ko­nopl­ýan­ka 156 du­şu­şyk­da 35 gol ge­çir­di. Ol ge­çen möw­süm to­pa­ry­nyň UEFA Ýew­ro­pa li­ga­sy­nyň fi­na­lyna çyk­ma­gyn­da uly rol oý­nap­dy. Şol fi­nal­da “Se­wil­ýa” “Dnep­ri” 3–2 ha­sa­byn­da utup­dy. Şeý­le-de “Se­wil­ýa” baş­ga bir is­pan klu­by “He­ta­fe­den” 25 ýaş­ly Ser­jio Es­ku­de­ro­ny trans­fer et­di (4 ýyl­lyk şert­na­ma). Ýew­ro­pa li­ga­sy­nyň soň­ky çem­pio­ny “Se­wil­ýa” “Mi­lan­dan” fran­suz go­rag­çy­sy Adil Ra­mi bi­le­nem 4 möw­süm üçin yla­laş­dy. To­par 29 ýaş­ly oýun­çy üçin “Mi­la­na” 3,5 mil­li­on ýew­ro be­rer.
* * *
11 ýyl­lap “Çel­si­niň” köý­nek­çe­si­ni ge­ýen çe­hi­ýa­ly der­we­ze­çi Petr Çeh Lon­do­nyň beý­le­ki bir to­pa­ry “Ar­se­na­la” geç­di. Bu trans­fer üçin 10 mil­li­on funt ster­lin­gi “Çel­sä” be­ren “Ar­se­nal” 33 ýaş­ly der­we­ze­çi bi­len 2019-njy ýy­lyň tom­su­na çen­li ni­ýet­le­nen şert­na­ma bag­laş­dy. “Çel­si­niň” dü­zü­min­de “Pre­mi­er li­ga­da” 333 du­şu­şyk ge­çi­ren Çeh 2004-nji ýyl­da 22 ýa­şyn­da­ka “Lill­den” trans­fer bo­lup­dy. “Çel­si­niň” köý­nek­çe­si­ni umu­my­lyk­da 494 oýun­da ge­ýen Çeh 228 du­şu­şyk­da der­we­ze­si­ne gol goý­ber­män klu­buň öň­ki ýyl­dyz­la­ryn­dan Pi­ter Bo­net­ti­niň re­kor­dy­ny tä­ze­läp­di.
* * *
Tür­ki­ýä­niň çem­pio­ny “Ga­la­ta­sa­raý” klu­by “Ar­se­nal­dan” ger­ma­ni­ýa­ly hü­jüm­çi Lu­kas Po­dols­ki­ni trans­fer et­di. Munuň üçin 2,5 mil­li­on ýew­ro harç­lan klub 30 ýaş­ly oýun­çy bi­le­nem 3+1 ýyl­lyk şert­na­ma gol çe­kiş­di. Ger­ma­ni­ýa­nyň mil­li ýy­gyn­dy­syn­da 125 du­şu­şyk ge­çi­ren Po­dols­ki (48 top) tä­ze klu­bun­dan her ýy­ly üçin 3 mil­li­on ýew­ro alar. 2003-nji ýyl­da “Köln­de” fut­bola baş­lan Po­dols­ki 2006-njy ýyl­da “Ba­wa­ri­ýa”, 2012-nji ýyl­da-da “Ar­se­na­la” trans­fer bo­lup­dy. Po­dols­ki ge­çen möw­sü­miň ikin­ji ýa­ry­my­ny “In­ter­de” kä­ren­de­si­ne oý­nap­dy.
* * *
Ang­li­ýa­nyň “Pre­mi­er li­ga­sy­nyň” soň­ky çem­pio­ny “Çel­si” dü­zü­mi­ni “Mo­na­ko­nyň” ko­lum­bi­ýa­ly hü­jüm­çisi Ra­da­mel Fal­kao bi­len güýç­len­dir­di. Ge­çen möw­süm “Man­çes­ter Ýu­naý­ted­de” oý­nan Fal­kao bu ýyl hem tä­ze klu­bun­da kä­ren­de­si­ne çy­kyş eder. 2011-nji ýyl­da “Por­to­dan” “At­le­ti­ko Mad­ri­de” 40 mil­li­on ýew­ro trans­fer bo­lan ýyl­dyz hü­jüm­çi 2013-nji ýyl­da “Mo­na­ko­nyň” dü­zü­mi­ne ge­çip­di (60 mil­li­on ýew­ro). Şi­ke­si se­bäp­li Fran­si­ýa­da az du­şu­şyk ge­çi­ren Fal­kao ge­çen möw­süm “Ýu­naý­ted­de” 26 oýun­da ba­ry-ýo­gy 4 pök­gi sal­dy.
* * *
Hy­taý “Su­per li­ga­sy­nyň” soň­ky 4 ýy­ly­nyň çem­pio­ny, bra­zi­li­ýa­ly dün­ýä bel­li Lu­is Fe­li­pe Sko­la­ri­niň tä­lim­çi­li­gin­dä­ki “Guang­žou Ewerg­rand” to­pa­ry iň­lis­le­riň “Tot­ten­ham” klu­bun­dan ýa­rym­go­rag­çy Pau­lio­ny­ny sa­tyn al­dy. “Guang­žou” klu­by 26 ýaş­ly bra­zil oýun­çy­sy bi­len 4 ýyl­lyk şert­na­ma bag­la­şyp, onuň öň­ki klu­bu­na-da 14 mil­li­on ýew­ro be­rer. 2013-nji ýyl­da “Ko­rin­tians­dan” 24 mil­li­on ýew­ro ba­ha “Tot­ten­ha­ma” trans­fer bo­lan Pau­li­nio lon­don­ly­la­ryň dü­zü­min­de 45 oýun­da 6 ge­zek ta­pa­wut­lan­dy.