Berlindäki Yslam merkezine nobatdaky gezek hüjüm edildi 10.12.2010

Düýn Berlindäki Yslam merkezine
içi ýangyçly çüýşe zyňlyp, hüjüm
edildi diýip, ýerli polisiýa habar
berdi. Bu hüjüm şu ýylyň
dowamynda Berlinde Yslam
binalaryna amala aşyrylan
altynjy hüjümdir.
Düýnki hüjüm sebäpli hiç kime
şikes ýetmedi. Bu hüjüm
netijesinde dörän ýangyn
binanyň diňe daşky keşbini
zaýalady diýlip habar berilýär.
Bu Yslam merkezi Berlindäki
eýranly diaspora degişli.
Polisiýanyň berýän
maglumatlaryna görä, şu ýylyň
dowamynda Berliniň iň uly
metjidi “Sehitlik” metjidine dört
gezek, “Al-Nur” metjidine-de bir
gezek hüjüm edilipdir.
Şol hüjümleriň kim tarapyndan
amala aşyrylandygy entek
anyklanylmady.