TolkunFM-e hoş geldiňiz!
Salam hormatly agzalar!
Köpüňiz bilýänsiňiz, mundan birnäçe aý öň TolkunFM proýektine başlapdyk. Uly işlerden soňra, www.tolkunfm.com saýdy açyldy.
Edil häzirki wagtda, aýdymlaryň tertibinde azajyk näsazlyklar bar. Tehniki näsazlyklar ýüze çykyp hem biler, olaryň hem üstünde işleýäris.
Nädip döredildi?
Türkmen internedinde kän bir öwerlikli aýdym serwisleriniň bolmanlygy sebäpli birnäçe adamlar öz diňlejek aýdymlaryny başga-başga saýtlardan gözläp tapýadylar. Aýdymy diňlemek üçin ýa-da özüňize ýüklemek üçin 60 sekunt garaşmak, gerekmejek bolan reklamalary görmek, aýdymy diňlemek üçin browseriňizda täze bir windowyň açyk durmaklygy, aýdymlaryň arasynda gözleg edip bolmaýandygy sebäpli ähli gerek bolan zatlary özünde jemleýän täze bir serwis etmekligi makul bildik. Adamyň özüne gerek bolan aýdymy diňläp, ýa-da özüne ýükläp saýdy taşlap gitmezligi üçin sosiýal aýratynlyklarynyň birnäçesini ýasadyk.
Nämede ýasalan?
TolkunFM sosiýal aýdym saz serwisi web programmirlemek dilleriň birnäçesini ulandy. Esasy platforma PHP-de işläp, maglumatlar binýady MySQL. Esasy aýratynlygy Ajax tehnologiýanyň esasynda ýasalandygy üçin köp aýratynlyklary ulanyjylar üçin aňsat edip döretmeklikde Jquery, Jquery UI, FancyBox, JPlayer, JScrollPane ýaly open-source scriptleriň esasynda döredildi. Saýtda ulanylan iconlar üçin PC 100 Icon Pack (http://pc.de/ico/) sagbolsun aýdýarys.
Geljekde nähili planlar bar
Häzir TolkunFM diňe Chrome, Firefox, Safari browserlerinde doly işleýär. Operada käbir kemçilikler ýüze çykýar, Internet Explorer browserini häzirlikçe goldamzok. Ilkinji etjek işlerimizde TolkunFM-y ähli browserlerde hiçhili ýalňyşsyz işlemekligini gazanmak.
Android Application - Googleň android platformasynda işlejek TolkunFM applicationyny döretmek.
Bagşylar üçin panel - Türkmenistandaky bagşy, sazandalar bilen bilelikde işlemekligi isleýäris. Her bagşynyň, sazandanyň özüçe paneli bolup, ol ýerden öz aýdymlaryny ýükläp, suratlaryny goýup, bildirişleri ýazyp bilerler, hiçkime bagly bolmazdan. Bu barada giňişleýin maglumat almak isleseňiz, bu ýerde.
Diller – saýdy birnäçe dillerde ulanyp bolmaklyk mümkinçiligini döretmek. Edil häzirki göz öňünde tutýan dillerimiz (Rusça, Iňlisçe, Türkçe). TolkunFM-y başga dillere geçirmäge kömek etjek adamlar bolsa,
habarlaşyp bilersiňiz, minnetdar bolardyk.
Esasy maksadymyz, türkmen aýdym sazlarynyň tertipli arhiwini döretmek. Albom ady, aýdymyň döredilen ýyly we ş.m maglumatlar ähli aýdymlarda bolmaklygyny gazanmak. Bu ugurda kömek etmek isleseňiz, biz bilen habarlaşyp bilersiňiz.
Goldaw bermek üçin.
TolkunFM-yň ösmegi üçin goldaw bermek isleseňiz, her ugurdan goldaw berip bilersiňiz. Ýokarda belläp geçişimiz ýaly, saýdy birnäçe dillerde etmäge kömek etjek adamlar, arhiwimizi tertipleşdirjek adamlar,
Aşgabatda bagşy, sazandalar bilen bizi görüşdirjek adamlar gerek bolup durýar. Sizden isleýän esasy goldawymyz bolsa TolkunFM hakynda öz dostlaryňyza, tanyşlaryňyza, halkyň arasynda gürrüň bermekligiňiz we olary hem bu serwis bilen tanyşdyrmaklygyňyz.
Ýörite sagbolsunlar!
Serwisiň ýasalmagyna Veriloft toparynyň daşyndan goşant goşan adamlara sagbolsun aýtmak isleýäris.
Atamyrat Hezretkuliyev (co-founder/connexio) - tehniki kömek
Akmuhammet Jumaýew (co-founder/talyplar.com) – Barlag işleri, käbir ideýalar.
Mekan – TolkunFM aýdym arhiwini döretmäge kömek.
Pudak Nurberdiýew, Maksatmyrat Hanjaýew, Yhlas Beghanow, Vadim Torin, Myrat Arlan, Jeyka we başgalara TolkunFM-yň döredilýän döwri aýratynlyklary barlap, ulanyp kemçilikleri ýüze çykarmakda kömek.
TolkunFM hakynda informasiýany aşaky linkden alyp bilersiňiz:
http://www.tolkunfm.com/about/index.php
Arhiwiň ýagdaýy
● Doly tekst
● 129/129 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 129
Aýdymlary playliste goşmak üçin, aýdym spisogynda aýdymlary saýlamaly.
Birinjiň üstüne basyp, myşka bilen aşaklygyna, ýa ýokarlygyna, ýagny drag&drop arkaly.
Suratjagaz hem goýaýyn, belki düşnükli bolar.
barlap goreyin
Men halayan ekenim 😆
gowy is etyaniz oglanlar!! minnetdar
girip goreyin bet yalyla
şüphan bolmasyn dost gaty bet 🙂
biz aydym upload edip bilyasmay... şeyle bolsa nadip upload etmeli??????
biz aydym upload edip bilyasmay... şeyle bolsa nadip upload etmeli??????
biz aydym upload edip bilyasmay... şeyle bolsa nadip upload etmeli??????
biz aydym upload edip bilyasmay... şeyle bolsa nadip upload etmeli??????
Aýdymy herkim upload edip bilerdi, ýöne herkim aýdymy ýüklese, onda arhiwde bulaşyklar başlap biler. Meselem biri Annuş diýip ýükleýär, beýlekisi Annush, ýene biri Annus diýip ýüklese 3 sany Annuşyň aýdymlary bolýar. Şonuň üçin agzalara upload etmäge rugsat beremzok wagtlaýynça.
Biziň esasy maksadymyz, täze aýdymlary, köne aýdymlary hemmesini göni bagşynyň özünden almak. Bagşylar bilen ýuwaş-ýuwaşdan görüşýäris, köpüsi gyzyklanma döredýär. Aýdymlaryny hem göni özlerinden alsak, onda mundan gowy zat ýok.
Bärde giňişleýin düşündirdik.
Düşnüklü sagbol dost
Düşnüklü sagbol dost
hosh bulduk gelmesine geldikte ama regstration edip bilmedim nedense :S
showuna bolsun
Agajan sonky 2-3 gun bari teswirlere girsen senin shu mowzugyn 1-nji bolup dur. Ayiray indi, izli izina gidibersin. Men admin diyip gozuni chykarma.
Menin edip biljek komegima ady beli Eldar Dalgatowdan komentariyalar alyp bererdim.Eger komek gerek bolsa shahsa yazay dost.😉
bolýar agamjan, bagyşlarsyň. Indi gaýtalamajagyma söz berýän. Toba etdim. Bagyşla meni. Isleseň senem admin edeýin agam.
Wap'den girip aydymyny alyp bolarmy?
¥