Ykbal, saňa arzym bar...
Bu ýazgynyň diňe başlangyç bölegi saklanyp galypdyr.
"Ykbal, saňa arzym bar..."
Şähribossan Geldimämmedowa
Ykbal, saňa arzym bar,
Ýakynlary daş etme!
Ýamanlary göterip,
Ýagşylara baş etme!
Myhman giç däl, ir gelsin,
Direnjegim il bolsun,
Ýolum dogry ýol bolsun,
Umytlary läş etme!
Ilki-hä dert bermäwer,
Berseňem, em emläwer,
Başymyzy jemläwer,
Bir-birekden daş etme!
Aýak üzmäýin ýerden,
Ejizlemesin gerden.
Ýykylaýsamam birden,
Depjeklere duş etme!
Ters bolmasa edenim,
"Ilim" diýse her demim,
Eý, adyldyr öýdenim,
Gursaklary boş etme! ...
Arhiwiň ýagdaýy
◐ Bu ýazgynyň diňe başlangyç bölegi saklanyp galypdyr.
○ Teswirler saklanmandyr
Ýazylan saýty: ertir.com · Çeşme: Web Archive nusgasy — ertir.com, 18 mart 2015 ý. · Asyl sahypany gör ↗
Teswirler 0
Arhiwde 26 teswiriň diňe 0-si saklanypdyr.
Teswir ýok.