Alyp gaçylan gyzlar...
11.09.2010
Alyp gaçylan gyzlar
Alyp gaçylmak we gaçmak ayry zatlar, shonuñ üçin ol gyzlaryñ ykballaram bashga.
Shu gün irden joram jañ etdip gynançly habar aytdy:
- Dünyä! Arzuw gaçypdyr.
- Ey way, oyun edyäñmay?
- Yok, köp wagt bäri habarlashmamsoñ öyüne jañ etsem, ejesi aglap aytdy. Gaçypdyr.
- Dur how, kime gaçsyn ol, onuñ halashyanam-a yokdy?
- Hol yzyna düshyän garaja oglan bard-a, Berdi? Ana shoña
- (shok boldum) ... O nähili beyle? Özüñ bilyäñ-ä, Arzuw halanokda ony.
- Menem hayran shoña, yöne gaçypdyr.
Bu wakañ arassa däldigini añdym. Arzuw ol oglan b/n ölsede gaçmaya, asyl
ol ene-atasynyñ yüzüni yere salyp bir oglan diyip beyle geleñsiz
hereket etjek gyz däl. Berdini bolsa itden beter yigrenyädi. Çoganlydan
bir gowja oglan söz aydyady we özüniñem sulhy alyady ony. "Shoña ejeñi
ugrat" diyäyjek - diyyädi. Öz yanyndan ikisiniñ gurjak durmushy hakda
arzuw edyädi. Yöne ol oglan b/n hem arny gaty yakyn tutmazdy.
Öylerine jañ edip Arzuwyñ baran öyüniñ telefon belgisini alyp jañ etdim.
Birbada yaydanyp telefona çagyraslary gelmedi, yañy 1 hepde bolupdyr
gaçanyna (alyp gaçanlaryna). Arzuw sesime eshidip tolgundy ya utandy,
sesem gaygyly eshidildi. Hal-ahwal sorashanymyzdan soñ, men soradym:
- Nädip beyle güne düshdiñ? Näme boldy? Öz ayagyñ b/n gaçmadygyñ-a bilyän!
Ol aglady, yuwashjadan demi-demine yetmän aglady. Aglamajak bolup
tijenjek bolyan yalydy, arasynda gürlejek bolya welin, damagyna yeten
agysy may berenok. Sheylebir gynandym jorama, yanynda bolup gujaklap
kösheshdiresim geldi, baryp alyp gaçan yigrenjini we ähli shol
öydäkilere sögüp Arzuwy alyp gaydasym geldi. Ahyry ol zordan:
- Men gaçmadym.. Shonda bazardan gelyädim, özümem duyman galdym, öyüñ
yanyna yetiberemde birden bir mashyn ala-goh bolup geldide gapysyny açyp
meni arkamdan biri içine süsenekläp goyberdi. Düshünmedim,
gygyrmadymam. Gorkdym. Gapdalyma seretsem Berdi, beyleki gapdalymda-da
biri. 4 oglan. Yolda urushdym, mashynyñ içinden bökjek boldum, yüp b/n
dañdylar. Shäheriñ çetine çykardylar, bir garyndashlarynyñ bosh yatan
öyüne getirip gabadylar. Dünyä men yalbardym, meni goyberäyiñ,
degmäyiñdä maña diyip. Ol meni diñlemedi, hiç diñlemedi. Özüme
degeirmejek bolup her yana urundym, bolmady... Haramzada, ol meni
elledi.. Boljagym boldy eyyäm...
- ... (aytmaga söz tapmadym) ...
- Shonda ony öldürjek bolup üstüne topuldym, soñ tapan-tupan zadym b/n
özümi öldürjek bolup elimiñ damaryna süykedim... Soñ bärik getirip
kelläme yaglyk atyp "gelin" diyip yörler. Men bulañ barysyny yigrenyän,
yüregim bulanya Berdini görsem. Ölesim gelyä. Men yigrenyän hemme zady.
Dünyäjan men näme edeyin indi.. (aglaya yene).
Dogrymy aytsam shol wagt näme diyenimi özümem bilemok. Diñe "yashashyp
bilersiñmi Berdi b/n" diyip soranym yadymda, olam "indi gitjek yerim
yok, yöne ölinçäm yigrenerin ony" diydi. Görmäge bararys diyip trubkany
goydum. Ejesi dagylar eyyäm yarashypdyr, özüm heniz Arzuwy görmäge
baramok.
Içim gahardan we gynançdan doldy. Ar alasym gelyä. Bu gyzlaryñ
garshysyna bolyan adalatsyzlyklara jogap beresim gelyä. Näme üçin gyzlar
beyle zatlara göz yummaly. Bu biziñ durmushymyz ahry, hiç kimiñ haky
yok ony bulamaga. Özümiz gùnäkär, sheyle zatlara boyun egip, ümsüm
ylalashyp otyryanymyz üçin dowam edyä bu adalatsyzlyklar. Her bir oglan
bilyä, gyz üçin namys ilkinji yerdedigini, shol sebäpli ilki b/n shol
binamys usuly ulanyalar gyzy yryp bilmeseler. Men Arzuwa bu maslahaty
berip bilmeyän, sebäbi ol onuñ durmushy men ony riska salyp biljekdäl,
emma sheyle hala düshen gyzlar näme üçin özüni sheyden oglany milisä
berenoklar?! Näme üçin kayyl bolup shol namartlar b/n yashashyalar
yürekleri bulansada. Ol nejisler señ durmushyñy sheydip zayalan bolsa,
näme üçin sen olara dözeñok? Bu biziñ hakymyz ahry. Yene näçe gyz
Arzuwyñ gününe düshüp ähli arzuwlaryny unudup, islemeyän adamsy b/n,
durmushyny puç eden adam b/n yashamaly? Ululara aytsam, "ony kim alsyn
soñ" diyyäler. A näme gyz mashgalanyñ yashamagynyñ maksady yekeje
durmusha çykmakdan ybaratmyshmy? Bolya, goy, durmusha çykmakmyshyn, yöne
haysy gyzyñ özüne sheyle haramçylyk eden adam b/n yashashasy gelsin.
Alaç yok, tùrkmen gyzlary yashar, çydar, çeker, mashgalaly ayal bolup
galar... Yöne muña soñ "ynha durmush, men yashadym" diyip bolarmyka.
Asyl sheyle jepa çekmek gerekmikä. Adam yashayyshdan lezzet almaly,
ezyet däl. Shol ayallaryñ durmushy armanly geçer, beyleki deñ-dush
joralaryny görüp kemsiner. Yöne ol bu zatlary gizläp yashamaga endik
eder. Är-ayal gatnashygy diñe 1-2 günlik däl, ol ömürboyy dowam etmeli,
shonda yanyñda "ynha meñ ezizim" diyip söyüp gezjek adamyñ gerek, "meñ
durmushymy kül eden haywan" diyip yigrenip gezjegiñ däl. Belki wagt b/n
bu zatlar b/n ylalashyp, unudaram, yashasharam. Yöne yash wagtyñ gaydyp
gelyämi eysem.
Gyzlar, joralar! Öz hakymyzy islendik yagdayda talap etmegi basharalyñ!
Bu diñe biz üçin däl, eysem geljekde hem biz yaly gyzlar b/n adalatsyz
hereket etmezlikleri üçin!
shu yerden aldym: http://gyzlardunyasi.blogspot.com/2010/09/alyp-gacylan-gyzlar.html
Автор:
Dunya
sizi isleginizden garshy alyp gachsalar, oglany milisia bererdinizmi?
Hawa(51%, 16 adam)
Yok(9%, 3 adam)
Masgalamdan chekinip hic zat etmezdim(6%, 2 adam)
Ozumi oldurerdim(12%, 4 adam)
Ol oglany oldurerdim(19%, 6 adam)
Arhiwiň ýagdaýy
● Doly tekst
● 94/94 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 20 maý 2012 ý. · Asyl sahypany gör ↗
Teswirler 94
ay mena omurem gachmajagymy bilyan, sebap yok...alyp gachsalaram, oglany hokman turmede chuyrederdim, tanysh bilishlerin usti bilen chuyrederdim welin chuyrederdim...eger beyle shans bolmasa, onda yad berip oldurerdim...bizin yurtda vskrytie edenoklar, oluminin duyp sebabine yetibem oturmazlar...yad in gowy sposob...onson name, oglan olenson ichinem sowar...son bashga shahere gochup, oz durmushyny yashabermeli, bagtyn chuvse bashga soygi tapyan, bolmasada yekeje ozun yashap yoruberyan...
Turkmenistanda, aslada turkmenlerde beyleki, köp dowletlere seredende, ayal-gyzlaryn hak-hukugy gowy goralya, emma ayal-gyzlaryn özleri kän bir goraslary gelenok, hak-hukuklarny. $eyle yagdaya du$ gelen gyzlar Gaçdy ady alarn diyip gorkman, oglany jezalandyrsalar. Alyp gaçma diyilyan bidereklik azalar. Yok, gyz, diñe özüni bilip, gorkup otyrjak diyse, ertir uyasynyn, biri-gün goñ$ysynyñ, yene bir gün gyzynyñ ba$yna geler.
Murderer 😆 😆
Sañ-a deger yaly däl eken. ;-)
bu bolan wakadyr oydemok.eger realda bolan bolsa alla gorasyn
realda bu wakadan beterlerem bar
realda bu wakadan beterlerem bar
senden tamamam sheyledi.
Ýok, ýok, bärde eýýäm bir zat diýmek kyn. Sebäbi Türkmenistan häzirki ýagdaýynda we düşünjesinde, gyz aryny alsa-da, türmede çüýretse-de, öldürse-de, özüniň soňky durmuşy gowy boljaga meňzänok:
1. Türmede çüýretse, ýene köp ýaş oglanlar öýlenmäge çekiner. Sebäbi eger özi gowy, namysly gyzam bolsa, ýene gürrüň bolar, onsoňam öýlenmedik biri öýlenmäge çekiner. Bu biziň öz düşünjesizligimizden.
2. Öldürse özi türmä gider.
3. Özüni öldürse, onda o dünýäsini ýakar.
4. Ar alsa... ar alsa hem gowy bolasy ýok. Biziň obamyzda bir gyzy, eýýäm daýza ol, şeýdipdirler. Ertesi atasy we doganlary gelip özüň gaçdyňmy ýa zorladymy? zor bilen gaçyrdymy diýip durupdyr, eli pyçakly. Öňki döwürdä, soýjak ekeni ärini. Ol gyzam şol wagt gorkupdyr, oglany öldürseler, atasy we doganlary türmä gitmeli boljak, bar maşgalalary dargajak, öz geljegem kim bilýä nähili boljak. Şonuň üçin özüm geldim diýipdir. Emma soň ene-atasyna hem, doganlaryna hem düşündiripdir. Bu kinäni ýyllar boýy saklapdyr, çagalary bolupdyr. Iň soňy ar almak üçin, äri çölde işdekä, äriniň agasynyň ýetişen gyzyny öýüne çagyrypdyr ýatmaga. Ol gyz gelende, öz ýaş jigisini göýberipdir üsdüne. Olam gyzy zorlapdyr, soňam öýlenipdir.
Indi ýagdaý näme, maňa boldy, arymy alýan diýip dahyly ýok gyza degdirigiň aryňy almakmy? Adam atasynyň eden işi üçinem jogapkärli däl, oň ýaly dogan-garyndaşyň işi üçin günäkär bolmalymy? Saňa edilen zulumy nädip başgasyna dogrylap bildiň? Ol gyzyň maşgalasam alaç tapman, gyzy ol daýzaň jigisine berdiler. Ýöne entägem gatnaşanoklar olar bilen. Ol daýzanam urandyr äri öldir ýaly edip.
Netije näme, hiç kimem bagtly çykan däldir. Ol başda muny başlan adam, özüni ýigrenýän we ýyllar boýy ar planlaýan heleýi bilen ýaşamaly boldy, bagtlydyrmy? Ol daýza ar aldy, bagtlydyrmy?
A edil şu ýagdaýa gelsek, beýle adamlar jezasyz galmaly däl. Birini zorlamak we alyp gaçmak bir uly jenaýat. Meň pikirimçe, gyz ýigrenýän bolsa, suda bersin, çüýretsin. Ýöne esasy zat, öz ýagdaýyny bilmek we şoňa görä hereket etmek. Ýagny, edil namysyna degilmedik ýaly gezmekligi atasynyň öýüne gaýdyp gelensoň. Ertirki gün oň bilen muň bilen gezse, ene-atasyna wah gelmesediň, şoň bilen ýaşaşsadyň ýa ölüp gitsediň diýdirmegi mümkin.
Ol zor bilen alyp gaçan oglan bolsa samsyk. Eger durmuşdaky planyň birini zorlap, zor bilen özüň bilen ýaşaşmagyň üstünde gurlan bolsa, näbileýindä. Düşünenokmyka ol işden soň nädip bile ýaşamaly?
TM döwledi şeýle wakalaryň öňüni almak üçin ýörite kanun hem almaly. Goý şeýle zady eden adam amnistiýa alyp bilmesin, ýaş oglan bolsa-da, we bir bada birnäçe statýa bilen türmede ýatsyn. Şeýleräk.
ay howwa, deger yala dal mana...🙂...onsonam, kop gyz ach-achan oglany oldurmek isleyarler, yagny pychaklap ya yene edip, yone bu samsyklyk bolar, son ozun turma dushyan bir samsygyn samsyk omruni gutarmaga komek edenin ucin...shonun ucinem etjek ishini yuwashlykdan etmeli, akyl bilen etmeli, hich kim bilmez yaly etmeli...🙂...shonda turmade dushmersin, hich zadam bolmar...🙂)
yes sweety, i watch CSI's, NCIS's for a reason...so i can learn how to kill...not how to solve murders...🙂
onda sen meni dogry bilipsin...🙂
Hiç kim bilmez yaly edip, zäher berip öldürmeli?
Bäh.
Bula aňsatjak bolar... ölümi in soňky çözgüt edip goýmaly. Oglana ömürlik puşman eder ýaly bir zatlar etmeli. Goý soň şol jezany çekip ömrüne suffer edip gezsin...
wah garaja gozune doneyin!
shol oglany cynymy aytsam öldür yaly yenjip yenjip dash bn urup, pil bn ,tayak bn urup
gara gan edesim gelya. dine onam dal hemme zorlap alyp gacyanlary ! haram basyna bolsun samsyklan.
ehh sheyle bir yuregim agyrya gyzlara. sizin durmusunyz gaty gaty kyn . name etjegni bilmejek derejede kyn, Huday saklasyn sheyle wakadan. o gyzyn mundan son etjek zady yok. chagasy bolsa unudubam gider weli, islemedik durmusyny yasayada. Hudaya sukur etyan biz 3 oglandygmyza. bolmasa, men gözüm arkada galardy. garaz shol oglanyn özune shey diymeli ody özine bas ötmese özgä, yone olar yaly kelesanlara zat düsundirp bolmaz. ol oglan gaty söyendir ona sözum yok, yone gyz razy bolmasa göre geldinmi?! oglanlara maslahatym, bir gyza söz aydanda YOK diyseler ,pamyatyndan pozun sho gyzy! eger göni BYZAR ETME YOKBOL SHUTAYDAN diyseler onda yaman calt pozmaly. eger dowam etsenem , sheytan sen netijani sheydayyada ! SHEYLE MAL OGLANLARYN GÖZUNI GORKUZAYJAK KANUN GOYARDYM EGER MEN YOKARDA ISLESEM. ay nace diysenem peydasy yokla...
haaaa...ay onda onun 2 ayagyny kesmeli yada nemesini kesip tashlamaly....
Salam Dunya! Ýazan mowzugyňy zerur işlerimi taşlap okapdyrnaý. Diýseň gynandyryjy! Joraň bilen duşuşsaň GAÝRAT EDIP meniň adymdan gynanç bildirenimi ýetirsene. Alyp gaçylan gowy gyza nebsim agyrýar. Şu wagt men özümi (mysal edip) şol gyzyň halaşýan ýigidiniň ýerine goýup görýän, ýerä açylmazdy men hem oňa girip bilmezdim. Allajan joraňa ýeňil bolmadyk giňlik bersin. Bella-beterden gorasyn! Goý, onuň durmuşy mundan beýläk gowy bolup, BAGTLY BOLUP ýaşasyn. Dünýä gutaranok dowam edýär, ol oglan hem bu etmişi üçin, haksyz bu dünýäden ötmez. Şonuň üçin ol joraň bu ajyly durmuşyny dowam etsin, soňy süýjäp gider, belki Alla. Ol bigaýrat, namart, erkekleriň adyny ýere çyrşap ýören bu hereket soň ol eýýäm biziň jynsymyzada degişli däl bolan bilen Hudaý haklaşar, onuň erbet ajy günleri indi başlar. Dünýä sen hem bu joraňa göwünlik berip, wagtal-wagtal habarlaşyp dur, goý ýeke bolmasyn. Ýogsada, ony hem Teswirlere çagyr, biz hem başardygymyzdan göwnüni açaly. Eger meniň teklibi kabul etseň, biz ony ýeke goýmaryz. Tüweleme biziň agzalarymyz birinji gezek däl eýsem, birnaçe gezek özüniň beýik adamkärçiligini görkezip gelýär. Ýagny ýetimlere, garyp-gasarlara, ýeter-ýetmezle, işsizlere, garrylara kömek edip. Meniň pikirimçe onuň bu ýerde göwnü açylarmyka öýtýän. Sabyrsyzly bilen jogabyňa GARAŞÝARYN!
sen bn yalnysybam oyun etmeli dal onda.(. Mara gelende mena seni alyp gacarn diyip yordum(((
ana bar nastroeniyam gacdy!