Ejem…

Ejemiň diňe bir gözi bardy. Ony ýigrenýärdim… Sebäbi bu ýagdaý meni utandyrýardy. Maşgalamyzy ekläp saklamak üçin mekdebimizde aşçylyk ederdi. Başlangyç synpda okaýakam, ejem meni görmäge gelipdi. Ýeriň düýbüne giripdim. Maňa muny nädip edip bildi? Ony görmezlikden geldim. Oňa ýigrenç bilen seretdim we ol ýerden gaçdym. Ertesi gün klasdaşlarymyzdan biri “Seniň ejeň ýekeje gözi bar eken” diýende, ýere giresim geldi. We ejemiň yitirim bolmagyny isledim. Şol sebäplem şol gün oňa

duşanymda oňa şeýle diýdim “Meni gülkünç ýagdaýa düşüreniňden, öleniň gowy!!” Ejem sesini çykarmady. A‎‎ýdan zatlarymy ýekeje sekundam pikir etmändim, sebäbi gaty gaharlanypdym. Onuň duýgulary meni gyzyklandyranokdy. Onuň öýde bolmagyny islämokdym…

Köp okadym, we Singapura okuwa gitdim. Soň öýlendim, özüme öý aldym. Çagalarym boldy, durmuşymdan razydym. Bir gün ejem meni zyýarata gelipdir. Ençeme ýyllap meni görmändi we çagalarymy tanamandy. Gapyň agzyna gelende çagalarym onuň üstünden güldüler. Oňa “Öýüme gelip, neneň çagalarymy gorkuzyp bilýän??!! Derrew bu ýerden ýok bol!!!” diýip gygyrdym. Muňa ejem sessizje “Bagyşlaň ýalňyş adrese geldim öýd‎än” diýdi we gözden ýitdi.

Bir gün uçurymlar ýygnagy üçin bir hat aldym. Aýalyma “Iş syýahatyna gidýän” diýip bahana tapdym.  

Uçurymlar ‎‎üýşmeleňinden soň önki öýmüze gitdim. Goňşularymyz ejemiň ýogalandygyny aýtdylar. Hijem gynanmadym. Maňa berilsin diýip berlen ejemiň bir hatyny berdiler.

“Söýgüli oglum, elmydama seni ýatlaýan. Singapura gelip çagajyklaryňy gorkuzanym üçin gynanýan. Uçurymlar gününe gelersiň diýip gaty begenipdim. Emma seni görmek üçin ýerimden turup bilerinmi, bilemok. Sen ulalýarkaň, hemişe utandyranym üçin gynanýan. Bilýäňmi, sen kiçijikkäň bir awariýa düşdüpdiň we bir gözüňi ýitiripdiň. Bir eje hökmünde, seniň bir gözli bolup ulalmagyňa daýanyp bilmezdim… Şonuň üçinem saňa bir gözümi beripdim. Şol göz bilen meniň ýerime görýär diýip, şe‎ýle bir

begenýärdim…

Seni elmydama söýýän EJEÑ”