Diplomsyz kim seni işe alsyn??!

Most people have an aversion to risk. Şu sözi ýaňyja okadym bir ýerde. Terjime etsem şolar ýalyrak bolýa: Köp kişi risk etmekden uzak durjak bolýa. Men pikirimçe bu hak söz.

Asyl her gün biz risk edýäs ýa-da riskden ýüz öwürýas. Meselem her taksa münemizde awariýa bolup ölmegimiz mümkin. Arzanrak kolbasa alyp hili pes zat iýeýinmi ýa-da gymmatrak ýöne saglyga peýdalyrak/zyýany az kolbosa alaýynmy? Tualede film başlamaka girip çyksammy ýa-da çydarnmy. Garaz biziň ünsümizi çekmeýän birtopar kararlar bolýa her gün. Esasy bellejek zadym, köp adamlar şol riskleriniň soňunda belli bir woznagrajdenie (sowgat...) almajak bolsalar risk edenoklar ýa kyn edýäler.

Geleli indi tema. Hergün diýen ýaly maşgalam bilen ala-goh, uruşýan, gyrlyşýan. Sebäbi dünýäň 100lügüniň içine girýän belli bir uniwersitedy taşladym. Maňa berýän birinji soragy, DIPLOMSYZ näme işlejek, kime sen gerek, kim seni işe alsyn. we ş.m. soraglar.

Olar aslynda şumat men näme işleýänimem bilenoklar, kompýuter oýnaýandyrn öýtýäler 🙂 Hemmekim şokda diýen ýaly. Goňşularyň arasynda men eýýäm loser ýaly görünýän. Ýöne bu ýagdaý men göwnüme ýaraýar!

Telekeçi diýilýan adam (Öz özüne işleýän adam) risk diýilýän zady woznagrajdeniýasyz edýä. Asyl biziň bärdäki telekeçileriň ýagdaýyny köp bilemok, ýöne Amerkia taraplarda şeýle. Telekeçileriň köpüsi 0-dan başlap, köp zady risk edip, öz işini gurýalar. Şol adamlara haýran men, men diňe şol adamlara sylanşygym bar diýsem ýalňyşmarn. Sebäbi köpüsi uly pul edenok, diňe belli bir kiçijek prosenty gowy baýaýalar. Belki şolaryň köpüsi başga birine işläp şumatkydan köp pullary bolardy. Ýöne ol adamlaryň hemmesi diýen ýaly GYZYKLY durmuş ýaşaýalar.

Menem belki uniwerimi gutaryp gowy işe girip gowy pullar gazanyp bilerdim. Ýöne dünýäde bir gezek ýaşaýan. Meniňem iki sany iň ýigrenýän zadym bar. Birinjisi- durmuşda birtopar gereksiz zat öwrenmek, şolardan ekzamen tabşyrmak we ş.m. Ýagny men özüm adamlary ekzamen edesim gelýä, tersine däl. Näme üçin bolmasyn? Ikinjisi hem birine işlemek. Birine garaşly bolup hemişe edýän zadyňy habar bermek, işe gelmedik ýagdaýda bahana gözlemek, irden oýanyp işe gidip agşamam hiç zada ýaraman öýe gelmek. Bu zatlaryň ählisini ýigrenýän. Maňa ýekeje berilen durmuşumda men näme üçin halamaýan zatlarymy edeýin?

Siziňem araňyzda belki maşgala basynjyndan halamaýan ýerde okaýanlar bardyr, ýada halamaýan iş edýänler bardyr. Size kömek edeýin diýdim. Telekeçi bolmasaňyzam halaýan zadyňyzdan geçmäň. Pul diýilýän zady kowalamaly däl, ol sizi kowalasyn! Aýagyňy ýorganyňa göre uzatmaň, aýagyňyza göre ýorgan alyň! Risk ediň adamlar, ine şonda hakyky durmuşyň tagamyny alarsyňyz!

Men şumat Veriloftda işläp öz düzen proektlerimiň üstünde işläp ýorn. Uniwesitedi doly goýamok, ýöne planlarymda gooýmak bar. Veriloftda işler gowy gitmedik ýagdaýda hiçhili gynanjakdäl, ýene bir firma açarn, ýene birzatlar edern, sebäbi men riskdan gorkmaýan adam!