Mersedesli gelinlik

Tanymal bolmasa-da tanalýan suratkeşleriň biri Narly şäheriň çetinde ýaşaýan ýegenleriniň toýundan soň, ýary gije oba aşmagyň aladasynda, çola köçeleriň birine çykypdy. Dogrusy, toý eden ýegen daýysyny pyýada goýbermejek bolup, maşynlylara, kyn görjeklerini bilse-de, haýyş etdi. Emma göwünjeň tapylmady. Gitmeli ýerem edil şäheriň içi bolmansoň her kim bir zady bahanajyk edindi. Narly: - Ýegen, adamlary azara goýma, köçä çyksaň, kireýkeş kän - diýip müýnürgäp duran toý eýesi bilen hoşlaşdy.