Arzyly Myhman

Arzyly Myhman

Bir aýal öýünden çykanda onuň öňün­­den üç sany ak sakgally ýaşuly adam çykypdyr. Bu zenan olary görüp:

- Men sizi tanaýaryn, siz ajygan bolsaňyz ge­rek. Haýyş edýän, öýe giriň, bir zatlar gar­banyň - diýipdir.

Ýaşulular ondan:

- Adamyň öýdemi? - diýip sorapdyr.

Aýal bolsa:

- Ýok - diýip jogap beripdir.

- Onda biz ol gelýänçä garaşaly.

Agşam adamsy öýe gelende, zenan oňa bu wakany bolşy ýaly gürrüň beripdir. Adam­sy:
- Olary öýe gelenimi aýt-da bärik çagyr. - diýipdir.

Aýal daşaryk çykyp, ýaşululary öýe ça­gy­rypdyr. Olar:

- Biz bir öýe ählimiz girmeýäris - diýipdir.

Aýal munuň sebäbini bilmek islände olar özlerini tanatmaga başlapdyr:

- Onuň ady “Baýlyk” - diýip, biri beýle­kŷsini görkezipdir. Beýleki birine yşarat edibem:

- Onuň ady “Üstünlik”, meniň öz adym bol­sa, “Söýgi” - diýipdir. - Ŷndi ýoldaşyň bŷlen maslahatlaş-da, haýsymyzy myh­man­çy­lyga çagyrjakdygyňyzy çözüberiň.

Bu sözleri eşiden adamsy begenip:

- Beýle bolsa, “Baýlygy” çagyraly. Öýü­miz baýlykdan dolsun - diýipdir.

Emma aýaly:

- Näme üçin “Üstünligi” çagyrmaly däl? - diýipdir.

Şol wagt bulary diňläp oturan gyzy:

- “Söýgini” çagyrsak, gowy bolmazmy gaý­tam? - diýipdir.

Ene-atalar öz perzendiniň saýlan myh­ma­nyny çagyrmagy makul bilipdirler.

Aýal daşaryk çykyp, “Söýgini” myh­man­çy­lyga çagyrypdyr. “Söýgi” olara tarap ug­ran­da beýleki iki ýaşuly hem onuň yzyna dü­şüberipdir.

Aýal haýran galyp:

- Men diňe “Söýgini” çagyrdym ahyry. Siz näme üçin gelýäňiz? - diýipdir.

Şonda “Söýgi”:

- Eger siz “Baýlygy” ýa-da “Üstünligi” ça­gyran bolsaňyz, beýleki ikimiz galardyk. Emma siz meni myhmançylyga çagyrdyňyz. Men nirä gitsem, “Baýlyk” bilen “Üstünlik” şol ýere gidýär - diýýär. - Çünki söýginiň bar ýerinde baýlygam, üstünligem bardyr…

www_zamantm_com