Hatyra güni mynasybetli, şehitlerimize näme sowgat edip bileris?
Salam hormatly agzalar we gadyrly myhmanlar!
Bilşiňiz ýaly, 12 Turkmenbashy ayi (Yanwar) Hatyra günidi. 1881-njy ýylda Gökdepe galasynda şehit bolan on müňlerçe türkmenleriň ýatlanýan, olaryň ruhlaryna bagyşlap, aýatdyr töwir okalýan gün.
3 gun gija galan hem bolsam, shol gün mynasybetli şehitlerimize näme sowgat edip bileris? Bu soraga bir-iki hekaýa bilen jogap bereýin:
Sogap paýlanşygy
Yslam alymlaryndan we kalby adatdan daşary (bilinmeýän) yagdaylar üçin açyk bolan bir şahys wezipesi sebäpli bir oba barýarka, garaňky gatlyşany sebäpli we barjak ýakyn garyndaşdyr tanyşy-da bolmanlygy sebäpli, obaň golaýyndaky mazarlykda gijäni geçirmegi niýet edýär. Ol uka gidenden sähel salym soň ynsanlara sapak boljak ýagdaýda bir düýş görýär. Düýşünde gabrystan halky tolgunyp, begenişip öz aralarynda bir zatlar paýlaşýan ekeni. Ol hem olara (alym=A, gabyr halky=G):
A – Eý, gabyr halky, siz näme paýlaşýaňyz beýle özara?!
G – Sogap paýlaşýas, sogap!
A – Sogap siziň üçin şeýle möhümmi?
G – Ol nähili sorag? “Diri yzzatdan doýmaz, öli aýatdan” diýip eşitmänmidiň? Oduň täsirini bildirmeýän köýnek nähili ähmiýetli bolsa, sogap hem biziň üçin şeýle. Sebäbi biz siz ýaly dünýäde ýaşaýarkak, käbir günäleri gazanypdyk. Şol sebäpli-de ataş ýanyp duran ýaly gyzgynlygyň içinde ýaşaýarys häzir. Ýöne bize sogap paýlansa, onda biz ony üstümize gyzgyn/ot geçirmeýän köýnek edip geýýäs, oduň täsiri azalýar, azabymyz ýeňleýär.
A – Bu paýlaşýan sogabyňyzy kim size berdi?
G – Mazarlygyň ýanyndan geçen möminler sowgat etdi. Köp ynsan mazarlykdan geçende, hiç piňine-de alman ýekeje Yhlas(Kulhüwellah) ýa-da Fatiha(Elham) süresini hem okaman geçýäler. Käbirleri bolsa:”Wagty gelende bizem ölüp, gabra gireris, bize-de okasynlar!” diýip, hemişe okap, derrewjik ruhlarymyza sowgat edip geçýärler. Agşamdan öňüräk şeýle bir topar geçip, bize-de bilýän aýat-töwirlerini okap, sowgat edip gidipdiler, häliden bäri şolary paýlaşyp durys görşüň ýaly. Indi bizi ýakyp-gowrup barýan yssynyň täsiri azalar we az wagtlyk ondan gutylarys. Şol sebäpli-de bizi begençli görüp dursyň!
Arhiwiň ýagdaýy
● Doly tekst
◐ 10 teswir saklanypdyr · asyl sany näbelli
Ýazylan saýty: tmolympiad.org · Çeşme: Web Archive nusgasy — tmolympiad.org, 28 mart 2008 ý. · Asyl sahypany gör ↗
Teswirler 10
Wikipedia-dan "Hatyra guni" barada:
1881-nji ýylyň 12-nji Turkmenbasyda ir bilen 11 sagat 20 minutda 1 tonna 120 kilogram därini galanyň gündogar böleginde partladyp, oňa girmäge mümkinçilik gazanan rus goşunlary eýýäm 12 sagat 30 minutda galanyň içinde aljyraňňylyga düşen adamlary uçdantutma gyryp ýördüler. Duşmanyň 1 million 140 müň oky bardy. Ol oklar galanyň içine ýygnanan 45 müň çemesi türkmene garşy atylmalydy. Elinde sowuk ýaragdan başga idili söweş esbaby bolmadyk her türkmene 25 okdan ýetýär. 23 günläp gabalan galanyň içine 872 müňden gowrak tüpeň oky we 120 müňden gowrak top oky atylypdyr… Şahyr Gurbannazar Eziziowyň sözleri bilen aýtsak bir başa bir ölüm ýeterlikkä, bir başa 25 ölüm artygrak dälmi?
Ýöne gala ýygnananlar Watan üçin bir gezek däl, 25 gezek ölmelem bolsa taýýardylar. Olar muňa boýun alykdylar. Olarda esasy maksat Watan üçin jan bermek, şehit bolmakdy. Olar Watan üçin, ar-namys üçin gara başy gurban etmegiň diňe sözde däl-de, durmuşda nähili bolýandygyny görkezipdiler. Bu bize ata-babalarymyzdan galan iň uly baýlygyň, iň gymmatly mirasyň biridir. Olar bize Watany söýmegiň asyl nusgasyny goýup gitdiler.
Serdarymyz Permany bilen şol gerçeklere “[[Türkmenistanyň gahrymanlary]]” diýen belent at berildi. Her ýyl Watan üçin wepat bolanlaryň hatyra gününi uly il bolup döwlet derejesinde bellemegi karar etdi. Bu hatyra gününiň her ýylyň ilkinji aýynda bellenilmegi hem ýöne ýere däl bolsa gerek. Türkmeniň her ýyly Watansöýüjilik ruhy bilen hatyra saklamakdan, geçenleri ýatlamakdan başlanýar.
Gökdepe galasynyň synan gününiň “Hatyra güni” diýlip yglan edilmeginiň ýene-de bir uly manysy bar. Ol hem ýeňişden ýeňilişiň ýakyndygy görnüp durka ata-babalarymyzyň Watan üçin ölmeli diýip gelen kararlaryny biziň günlerimizde dogry diýip tassyklamakdyr. Gökdepe galasynda dökülen ganyň manysyz däldigini, şol uruşda wepat bolanlaryň hakyky Watan gahrymanlarydygyny jedelsiz hakykat edip goýmakdyr. Ondan öňem, soňam Watan üçin gara başyny goýanlary Gökdepe galasynda şehit bolanlar bilen bir hatarda hatyralamakdyr. Gökdepe türkmeniň Käbesidir. Watan üçin türkmeniň bir okuň däl, ýigrimi bäş okuň öňünde durmalam bolsa durup bilýändiginiň subutnamasydyr. Bu gahrymançylyk bizi parahatçylykly günlerde-de Watanyň gymmatynyň, hatda öz janymyzdanam ýigrimi bäş esse gymmatlydygyny ýatladyp durmalydyr. Watanyň abraýy üçin edýän her bir işimizde, okuwymyzda biziň yhlasymyzyň, görkezmeli gaýratymyzyň näçe derejede bolmalydygyny biz ata-babalarymyzyň ýigrimi bäş okuň öňünde durmaga döz gelip bilişlerini ölçeg edinip kesgitlemelidiris. Biz hem edil ata-babalarymyz ýaly hatyrasy tutulmaga mynasyp adamlar bolup ýaşamalydyrys. Biz parahatçylykly, asuda günlerde Watana şan-şöhrat getiren zähmet gahrymanlary bolmalydyrys.
"Elinden we dilinden beýleki ynsanlara zeper gelmeýän kämil ynsan bolmak dilegi bilen!"
Dayowlardan biri yatlap gecer diyip pikir edipdim, name boldyka beyle :))
Ay, hicden gic yagshy diyip ozum goyaydym!
"Elinden we dilinden beýleki ynsanlara zeper gelmeýän kämil ynsan bolmak dilegi bilen!"
Gökdepede wepat bolanlang yatan yerleri yagty bolsyn. Shugun sholar barada pikir edip yördim. Eyranda bir türkmeni öldiripdirler. Halk ayaklanyp ot gorsapdyr. A tm bu barada zadam edenok. Türkmen kawagt gahary gelse aytyara -Ay türkmende erkek galmadylay, ölena ölldi, ölmedik gaçyp gitdi.
Yanyp duran Ataş men sönmenem begler
bu cingizhandan son berlen ,ing uly ursmyka diyyan.halkymyz o sehitleri elmydama yatlar.su orslara byr zat diyjek welin bolyada.jedel gerek dal
Agam, türkmeniň gany köp döküldi. Urşyň ulusy, kiçisi ýok meň gözümde. 20 000 öli başga uruşda bolmandyrmy? Bilmedim.... Gazawat gyrgynçylygynda näçeräk öldükä? Özbeklere-de sögelimi?
Gowusy, hiç millede hem sökmän, şehitlerimizi gowy ýatlamalar bilen ýatlalayň!
We şolaryň jan beren ýurdynyň ösmegini diläliň!
-------------------------------------------------
Aslynda söz pähmin bilmez adamga,
Müñ many söýleseñ, gadryn näbilsin.
Watan aga, taryh taryh bolýar, länetlenjek şol urşa we esas gyrgynçylyga sebäp bolan ynsanlar, düýpli ruslar däl. Baýram oňat ýazypdyr, agam!
Gany gyzmalyk etsek säwlik dörärmikä diýýän, bilýäňizem welin, ýatladaýyn diýdim :))
"Elinden we dilinden beýleki ynsanlara zeper gelmeýän kämil ynsan bolmak dilegi bilen!"
Türkmen topargy üçin wepat bolan ähli şehitlere, olaryñ içinde şol mynasybetli gün gahrymanlarça söweşen türkmen merdanalaryna, nahak ganyny dökülen gelin gyzlara we çagalara aýat töwır okap alnyna bagş edýärin. Allahym olaryñ ýatan ýeri ýagty bolsun we jaýlaryny jennetden eýle. Bizem şu günümize şükür etmelidiris.
Ata aga sagboluñ Hatyra günini ýatlap bu yazgylaryñyz ücin.
Hatyja, jigim, men hem minnetdarlyk bildirýän şeýle oňat dilegler bn şehitlerimizi iň oňat ýagdaýda ýatlanyň we ýatlamagy ündäniň üçin!
Şehitleriň ruhlaryna sowgat ibermek barada ýene bir hekaýa-ha bardy, onam terjime edip goýmakçy öz-ä, enşallah.
OldBoý(ulyoglan-Sanjar) ýaly taryhçy ag(z)alarymyzam has köp taryhy maglumat goýup, bu babatda öz ggoşantlaryny goşarlar diýip umyt we dileg edýärin!
"Elinden we dilinden beýleki ynsanlara zeper gelmeýän kämil ynsan bolmak dilegi bilen!"
nirde zulym bar bolsa jany bilmem nirak.....
Olam dogry welin, agam gecheni gechdi bilmeli.
Turkmen zulumy hazir Yrakda goryar, Eyranda goryar, az derejede BELKI Owganystanda goryar. In kop turkmen zulumy... Turkmenistanda goryar.
Orslar bilen bolan boldy, gechdi. Hazirki zulum bolsa, bolup dur
-------------------------------------------------
Aslynda söz pähmin bilmez adamga,
Müñ many söýleseñ, gadryn näbilsin.