Şu gezeklik rugsat ediń ýazmaga.................

Hawa hormatly agzalar!
Men şu sahypanyń uzak wagtdan bäri hereketdedigini, bu ýerde dünýäniń ähli künjeginde Allanyń nygmat hökmünde beren howasyndan dem alyp ýaşap ýören türkmen ildeşlerimiziń öz pikirlerini açyk-aýdyń beýan edýändiklerini görüp örän begendim. Siziň bu ýerde ýazan makalalaryňyzy okap gördüm. Şoňa laýyklykda öňerti aşakdakylary Sizden haýyş etmegi özüme müwessa bildim:

1. Men ýokarky sözleri söz owadanlamak üçin däl-de Size hormat goýýanlygym üçin ýazdym. Hormat Allanyň ýaradan her bir mahlugyna goýulmalydyr. Sebäbi ‘Ýaradylany söý Ýaradan sebäpli’ ündewi biziň edebiýatymyzyň bezegi.

2. Meniň sahypada ulanýan nykabymy geň görmäň. Munuň asyl manysyny ýazjak makalalarymda, teswirlemelerimde görersiňiz. Bu ýerde ‘Häzir öljekmiş ýaly ahyrýetiň, hiç ölmejekmiş ýaly dünýäň üçin taýýarlan’ ýörelgesi ýatyr.

3. Meniň ýazan ýa-da teswirln makalalarymda gaýrat edip öz garaýşyňyzy çekinmän beýan etseňiz göwnümiň göteriljegi ikiuçsyzdyr. Adamyň bäş barmagynyň deň bolmaýşy ýaly pikirdir-gözýetimi hem deň däldir. Bu onuň pes düşünjeliligini aňlatmaz, gaýta adamlaryň özaralarynda dürliligi Allatagalanyň Beýik Sungatynyň Eserini görkezer. Dünýäniň synagynyň manysam ine şunda ýatyr ahyry.

4. Meniň ýazjak makalalarym diňe sizi gyzyklandyrýan meseleler bolar. Şonuň üçinem näme hakynda nähili gyzyklanmaňyz bolsa, aýratynam Ýaşaýyş, ynanç, sungat, günlük durmuşymyzda gabat gelýän dini soraglar ýa-da çözgütler hakynda, ykdysadyýet we onuň tärleri hakynda arkaýyn sorap bilersiňiz. Sebäbi menem siziň saýaňyzda öz bilýänjelerimi artdyraryn. Estagfirulla men hemme zady bilemok, ýöne her bir jandaryň ýaradylyşynda bar bolan gyzyklanmam arkaly şol meseleleri has çuňňur öwrenip size ýetirmäge çalyşaryn.

4. Onsoňam şu zatlary beýan etmek üçin sahypaňyzda ýörite ýer eýelänim üçin hemmäňizden, esasanam sahypanyň işini gurnamakda zähmet çekenlerden üstümde galjak haklaryny bagyşlamaklaryny haýyş edýärin.

Allanyň razylygyny gazanan her bendä Alla-da başgalaryny razy etdirer. Allah hemmäňizden razy bolsun!