New Jersey ştatyna eden syýahadym barada

Şäherden çykyp barýarkam haýsy tarapa aýlananymy bilmän galdym, ştatlar arasy şossede dogry tarapa gidenimi soň bildim. Garaňkyda hemme zat hasam kyn ekeni, ýagyş ýagyp duran bolsa, göz öňüňize getiräýiň.
Ýöne garadan gaýtmazlyk bar, göni gidiberdim! Maşyn özümüňki, ertesi gün bolsa altynjy gün. Benzine pul ýetse bolýa, "ölerin, ýiterin, ýöne taparyn!" diýen pikirem kellede. Ýolda bir-iki ýerde ýalňyşyp, barmaly şäherçämize bardym.
Indi kartada iki sanyjak salgy galypdy. Haddon prospektine, çepe öwrülmeli diýýär. Öwrüldim... iň soňky setir "Krestmont ýodajyga gir we öý nomeri tap". Menem Krestmont ýodajygy Haddon'da gözläp başladym. Emma gözüm alman, geçip gidipdirin. Gidip barşyma, U-turn, ýagny yzyma öwrülmän gitdim welin, prospektiň soňunda ýol gutaryp, diňe saga öwrülip bolýan ekeni. Onsoň men bulam-bujar boldum. Sebäbi eýýäm elimdäki kartanyň aýdan zatlaryndan çykdym.
Soň aýlanyp başladym. Haddonyň ol tarapyna çykan ekenim, adamsyz ýol we ýodalara girip başladym. Haddonyň o tarapy başga şähere degýär ekeni, ady Kamden. Kamden kiçi şäherçe bolsa-da, jenaýat sany boýunça gaty "öňdemiş", Filadelfiýa bilen ýaryşýarmyş. Şol ýerde derrew bir zada üns berdim, garamyratlaryň sany biziň ştata we şähere görä has köp ekeni. Bir ýagtylmaýan, adamsyz we jansyz görünýän köçede yzyma aýlandym.
Garaňkyň içinden sesler gelýä, gözüm garaňkydan we ýagyşdan, birem gowy almaýanlygyndan ýaňa we elbetde garalary garaňkyda görmegiň kynlygy sebäpli, kän saýgarmady. Içimden "häzir bir garamyrat gelip, kinolardaky ýaly narkotik hödürlärmikä?!" diýýän. Şol wagtam gyzyl ýanyp dur, çykyp gidibem bilemok ol ýerden.
Zordan çykdym we Kamdende aýlanyp başladym. Ahyr soňy özbek dostuma jaň etdim. Ýagdaýy düşündirdim, men Haddonda bolsamam, şol iň soňky Krestmont ýodajygy tapyp bilmän ýörendigimi aýtdym.
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Olam bir ulyrak binanyň, magazin zadyň ýanyna baryp salgy soramagy aýtdy, ýa bolmasa şoň ýanyna baryp özüne garaşmagymy sorady. Menem şol gözläp ýörşüme, bir ýerde gyzyl çyra, swetoforda geçipdirin, häläm ýoluň ortasynda maşynlar durdy.
Muňa sebäp, bärde her ştatyň ýol hereket düzgüni tapawutly. New Jerseyiňki ýigrenji ekeni. Gaty bulam-bujar zatlary bar. Ýollar bir hili kesişýä. Bu zatlara öwrenişmän, ýagyşyňam guýup durşyna, ýaşyl maňa ýanyp durmyka diýdipdirin.
Şükür edip geçdim. Ýöne sabyr tükenmäge başlady we öňräkden yzyma aýlanyp gelýäkäm, birden men ýoluň ikä aýrylyp barýandygyny gördüm, men saga gidip barýan, gitmelim bolsa, çepe. Derrew aýnalara seretdim, yzymda maşyn ýok. Çepe geçjek boldum welin, edil deňrägimde, çepimde, meň yzymdan ýetip barýan maşyn bar ekeni. Ol bolsa saga öwrülip barýa. Basdym tormuzy, emma ýagyşdan ýaňa maşyn taýyp gidip barýa, häläm ol gazy basyp, geçip ýetişdi. Ýene Alla gorady...
Onsoň men Cooper University Hospital diýen uly binany gördüm we şonuň park edilýän ýerine girdim. Sagady 5$ ekeni... aý alaç ýok, girdim we özbek dostuma telefon etdim.
-Men ine şu ýerde
-Hm... nirdekä ol?
-Haddonyň üstünde!
-Nirindekä?
-Aý bilmeýän bolsaň, google map'e seret
-Ýanymda kompam ýok, maşynda inedem
-Hmm...
-Şol ýerde dur! Taparys seni! Maşynyňy içinden gulpla, aýnalaryny ýap! Garamyratlar ýakynlaşsa hiç zat diýmän, aýnany ýapyp otyr!
-Bolýa...
Wagt geçip barýa, ondan habar ýok. Aý gaharym geldi, çykdym we parking lotyň işgärleriniň ýanyna bardym. Bir garamyrat bilen iki sany garaja gyz ekeni. Gyzlaryň biri ýapynjaly, musulmandygy belli bolýa, beýleki aýalam amerikan stil, boýnundan altyn açar asylgy we açarda ýalypdawuk daşlar bar. Brilliant däldir. Menem sorap başladym. Derrew olar meniň şol ýeriň adamy däldigimi bildiler we google map bolmasa-da, maňa kömek etmäge başlady şol altyn açarly aýal. Onsoň şol ýerdäkilerden soraşdyryp, yzyma ýoly salgy berdi :) Meniňem benzinim gutaryp barýady...
Şol aýala sag bolsun aýtdym we sorajakdym
-Altyn açar nämäniň açary? Ýüregiňiziňmi?
diýip :) Şony beren, ol aýalyň ýüregini alandyr! Ýöne amerikanlarda oýunlara we degişmelere düşünmekde kynçylyk çekýän köp bolansoň, goý bolsun etdim.
Sag bolsun aýdyp, parking lotdan çykjak boldum. Hmmm... 5$ tölemeli. Tölejek welin, kart bilenmi? Ýa nagt? Nagt bolsa, ýa kart bolsa, kime bermeli ýa nirine sokmaly ol apparatyň?!
Şeýdip durkam, ol aýal ýene geldi we öz elindäki karyny geçirdi. Ýol açyldy. 5$ berjek bolsam, almady. Menem gaty hoşal boldum we sagbolsun aýdyp çykdym.
Yzyma gaýtdym... ýene ygyp başladym köçelerde. Bir ýerde durup benzini doldurdym we dogry yzyma gaýtdym. Meni entägem özbek dostum tapmandy.
Olara "özüm öýüňizi taparyn" diýdim. Ýöne onuň ejesi gaty howsala düşüp soraýady nirededigimi :)
Ahyr-soňy, men şol google mapda ady geçen köçämi tapdym. Ondanam, şol Haddona çepe aýlanmaly ýeri tapdym. Onsoň ýagyş eýýäm az guýýady, ýuwaş-ýuwaşdan, maşynly haýal ýöräp, şol Krestmonty gördüm. Öň görmän geçen ekenim.
Öwrüldim, gitdim. Krestmont darajyk ýoda, üstem park edilen maşyndan doly. Däli ýaly sürüp barşyma, pizzaçy garamyrady tas kakýadym. Ol maşynyny aýlap ýetişdi. Soň ondan 236 Krestmonty soradym. Bilenok... ýöne özüm tapdym :)
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Bir görsem, Sarwar, özbek dostum, bir sary oglan bilen öňümden çykdylar. Salamlaşyp, ýagdaý soraşdym. Saryja oglan Jenýa ekeni, ors. Ol aptekada işleýär ekeni, Sarwar şoň bilen meň gözlegime çykan ekenler. Ony maşynynyň ýanyna düşürmäge Sarwaryň maşynynda gitdik. Ýolda Jenýa özi barada sähel gürrüň berdi, Kamdeniň jenaýady we erbetligi barada. Meň bagtym çüwen ekeni :) Ol oglanlar ömür Kamdene baranok ekenler :D
Jenýany düşürip, Sarwar bilen yzymyza, olaryň öýlerine geldik.
Ejesi Rano öňümden çykdy, salamlaşdym. Sarwar bilen men mydama iňlisçe gürleşýädim, ejesi bilen orsça. Soň Sarwar bilenem orsça gürleşip başladym. Ol Rano daýzanyň äri Patrik diýýän bir amerikan professor ekeni. Gumanitar bilimleriň birinden, sosiýologiýadan öýdýän.
Olara bilen gürleşip başladym. Patrik işim barada gyzyklandy, taryhym barada. Aýdyp berdim, soň Sarwar we ejesi "daşyma geçdiler". Ilki politika girdik welin, derrew uniwersitetde bolan konferensiýany ýatladym we Amerikany we Ysraýyly kritika etdim.
Sarwar eli bilen ýuwaş diýen ýaly etdi. Öýüň "kakasy" ýewreý öýdýän. Politikany goýdum :D
Soň ejesi özüni gyzyklandyrýan soraglara geçdi. Tomusdaky öýe gidenimi sorady. Aýtdym, azajyk däplerimiz barada hem aýtdym. Ol ýerde eýýäm käbir pikirlerimiz deň gelenokdy. Men däp-dessurlara has romantiki garaýadym.
Olara men garyp we aç studentler baradaky anekdoty aýdyp berdim, olar gaty haladylar :)
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Sarwaryň ejesi öýlenmek barada pikirimi sorady. Oň pikiriçe, wagty gelen ekeni :D Uniwersitedi dynanyma ikinji ýyl boldy, garry hem bolmasam, öýlenibermeli. Menden pikirlerimi aldy. Menem aýtdym, kän ylalaşmady. Men däp-dessur we türkmençilikli, türkmen gyz bolsa, iň gowy ýagdaýy diýdim. Öýdäkileriň saýlany bilen ylalaşaýmasam diýdim. Ol bolsa, tekiz razylaşmady.
Onuň pikiri şeýleräkdi: Amerika getireňde derrew öwrenişjek, derrew özüni OK duýjak, medeniýetli, mümkin bolsa okuwly gyz gerek. Özi intelligent bolsa gowy, ýöne bolmasa-da, azyndan Amerikanyň medeniýetini kabul edip biljek gyz gerek ekeni. Onuň pikirleri köpdi we men oň bilen jedel etmedim. Ýylgyryp diňledim. Ýaşuly daýza, meň jedelim oň pikirini üýtgetmeýädi. Men asyl biriniň şahsy pikiri barada hiç haçan jedel edemok, şu sahypada-da! Men öz pikirim barada jedel edýän!
Ýylgyryp durşyma
-Siziň taryp eden gyzyňyz ideal gyz bolaýmasyn? Barmy oň ýalylary?
-Ýok bar! Amerikada türkmen gyzlar bara! Ýa sen obaňdan aljak bolup durma, Aşgabatda-da bardyr!
-Bardyr welin, maňa hemme zat bir tarapa, häsiýet we harakteriň gabat gelmegi hem wajyp. Men çylşyrymly, kompleks adam, her kim meň bilen oňuşmaýa. Onsoňam, Aşgabatdaky gyzlar we siziň sananyňyz ýaly, owadan, medeniýetli we okuwly gyzlar... aý hemme ýerde hem şeýledir, özlerini arsyz we elýetmez edýäler! Dagdan asýalar, öz bahalaryny gözüňde galdyrjak bolýalar! Olar bilen normalno gepleşibem bolanok. Men Aşgabatda az bolýan, ol wagtda olary tanabam ýetişmeýän, yrybam...
-Dogrydyr, ýöne seni tanasalar, perspektiwaly oglandygyňy görseler... aý Amerika geljeklerini bilseler, razy bolarlar!
-Mende maksat gyzlary razy etmek dälä! Amerika geljeklerini bilseler razy boljak bolar, ýöne diňe şol sebäpden razy bolsalar, meň üçin gowy däl! Borda...
-Aý Amerikadan tapsaň nädýä? Bardyra türkmen?
-Bardyr welin, meň ştatymda ýok, baram bolsa, bilemok. Onsoňam, bärdäkilerem Aşgabatdan uly tapawutly däldir.
-Ýokla, näme üçin?! Ine men bir magazinda bir gyzy gördüm. Daş keşbine seredip, nirelidigini soradym, Türkmenistanly ekeni! Ýöne özi özbek, Çärjewli! Gaty gowja gyz, öýe myhmançylyga hem geldi! Sen barada gürrüň berdim
-?!...
-Ýo sen beýle pikir etme! Türkmen köp däl Amerikada, diňe aragatnaşyk we kontakt bolsun diýýän! Öz ildeşleriň bilen kontakt bolsa gowy dälmi?
-Gowy elbetde
-Onda gidiň ertir Sarwar bilen, aýlanyň gyzlar bilen! Tanyşyň! Sizi başga türkmenler bilenem tanyşdyrarlar.
-Bolýar.
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Ertir nädip Filadelfiýadan gyzlar bilen aýlananymyz we myhmançylygyň dowamy barada :)
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Wagtymy bos bosuna geciryan diyipdin welin asyl beyle dal ekena .Tuweleme sol yerdede bos otur mansynda garaz .Amerikadan gyz gozlar yaly obanda gyzlaryn bary gyryldymay.Turkmenlerde" gyz bilen duza gytcylyk yok "diyipdirlera.Ay bolyrda yzyna garasyaryn sabyrsyzlyk bilen.

yzy name boldy Bayram? ozbek gyz bilen tanyshdynmy?

Bayram ildesh, bashdan gechirenlerin barada gurrun beripsin, kop sag bol! Gaty gowyja gurrun beripsin, yanynda oturyp mashynynda bile gidip gelen yaly boldum!

Ertesi öli ýaly ýatypdyryn. Biri meni düýşümde näme üçindir jezalandyryp durdy. Şol wagt "Baýram" diýleni eşidip, tisginip turdym. Men gaty çalt turýan ses eşitsem.
-Hawa
-Baýram indi turjakmy? Biz Filadelfiýa gitmeli
Sarwar gelipdir :) Bolýa diýdim, sagat 10dan geçipdir. Ýadaw bäşinji gün, uzak ýol, gijeki gürrüň köp ýatmagyma netije beripdir. Aý asylam, men sagat gurmasam, köp ýatýan.
Turdym, ýuwundym. Ertirlik edindik. Sarwaryň ejesi Rano daýza maslahat baryny berýä. Içimden pikir edýän, "beh, bular maňa özleriçe gyz tapan ekenlerow... Aý men bir zat diýsem, bir hili gödek bolar" diýdim we razylaşyp, ýola düşdik Filadelfiýa tarap.
Ýolda Sarwar bilen ondan mundan gürrüň etdik. Ýagyş bedreden guýýan ýalydy. Aslynda Filadelfiýa bir 30 minutlyk ýol bolsa-da, ýagyş sebäpli 1 sagatda barmaly ýerimize bardyk.
Sarwar:
-Men oň bilen bir uniwersitetde okaýan, telefonda wagt belleşdim. Eý men ol gyza(adyny aýtmakçy däl)gyz jigisini getirmegi aýtdym, bolmasa men boş galmaýyna, dogry dälmi?!
-Dogry welin, ol gyzy meň üçin eýýäm belläpsiňow...
-Men kän gyzlar bilen gürleşip bilemokdyryn. Sen nähili?
-Men hemmeler bilenem gürleşýän. Gaty gönümel, kän gyzlar halaman bilerler.
-Borlaý, sen birinji başlaýaň. Ana gelýäler...
Ýagyş peselse-de, ýagýady. Iki gyz bir zontigiň aşagyna sygyp gelýäler. Mündüler
-Salam gyzlar, gowumy? Men Baýram
-Salam, özüň nähili?
Atlaryny sorap, "elleşdim". Meň yzymdan Sarwaram şeýtdi. Soň nirä gitjegimizi karar berdik. Restoran "Uzbekistan" bir wariantdy, ýok, "Nostaljini" saýladylar.
Bardyk, çykdyk. Gyzlara täzeden göz aýladym. Biri uzynrak we semizräk, azajyk, 3-5 kg artykmaç, şol sebäpli säher garny bar, olam görünýä, sebäpli şonuň ýaly eşik geýipdir. Ýüzem semizräk. Özem garaýagyzrak. Ýöne umuman, gowy. Figurasam gowy.
Beýlekisi uly togalak gözli, sowet döwrüniň 5 köpügi ýaly hersi. Gara göz, gara saç, akja ten. Seredip, "beh, bularyň ikisi nähili doganaý?! Meňzänoklar" diýýädim. Ýöne bujagaz keýijek, beýlekiden gaty kiçi görünýädi. Hordan kelte(meň boýuma görä :D), horlygam men ýalyrak. Onsoň ýöne ýylgyryşy... gaty owadan gyz ekeni. Özbek stilräk :)
Olar maşyndan düşüp, Nostalji tarap öňümize düşdiler. Sarwar ýanyma gelip
-Eý Türkmenistanda owadan gyzlar bareý
diýdi. Menem barmaklarym bilen görkezip "ŞŞŞŞŞŞT" yşaratyny berýän, gyzlar eşitdi. Ýylgyryp yzyna seretdiler. Sarwar
-Haýsysyny haladyň? Menä ikisenm owadan gördüm
Olar bu gezek öwrülip azajyk siňe seretdiler. Men Sarwara elim, ýüzüm bilen görkezýän "BOLDY ET!" :) Oňa
-Eý eşidýäleroow
diýdim.
Girdik. "Nostalji" restoran de Europe ýaly bir zat ýazylgydy... menä fransuz restoran/çaýhanadyr öýtdüm, girdik welin, bir blondik "Priwet rebýata" diýdi. Hm... içi orsdan doly, özem orslaryň belli "blý*d'" sözüni gaýtalaşyp durlar :)
Oturdyk.
-Eý bäri orslaryňkymaý?
-Hawa
Oturdyk, menä mokaçine bilen gök çaý aldym. Sebäbi bilýädim, gürrüňiň dowamynda biri ýetmez. We gürrüňler başlady...
Ol gyzlar Çärjewli ekenler. Horezmli garyndaşlarynyňka gitseler, olara
-Siz türkmençe gürleýäňizmi?
diýip ýarym türkmen hasaplaýan ekenler, Türkmenistan bolsa, gepleýişlerini özbekçe hasaplaýamyşlar. Garaz, bu gyzlar biziň diýýän TATlarymyzdan bolup çykdy. Onsoň hemme zatdan gürrüň etdik. Olar meni şeýle görmäge garaşmandyrlar. Ulysyna Sarwaryň ejesi gowy reklama edipdir öýdýän, oň gözi köplenç mende. Kiçisem... oňa düşünmedi. Aý ikisiniň arasynda 1je ýaş tapawut bar ekeni. Biri 20, beýlekisem 19 ýaşan. Sarwar pahyram, kiçisine aşyk, jan edýä. Ol meniň anekdotklaryma we degişmelerime azajyk giç düşünýä.
-Eý men ikinji gezek aýdanyňda düşündim. Menem amerikanlar ýaly, tormoz öýdýän?!
-Ýok! Beý diýmesene...
Gürrüňler dowam etdi, olar menden ýaşymy soradylar. Onsoň biz çykdyk ol ýerden. Sarwar aýlanmaga gideli diýdi. Ýagyş goýupdy.

---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Parkda aýlandyk. Ýaňky ýagan ýagyş Parkdaky kanaly dolduryp, daşdyrypdyram. Owadan ekeni, gezip ýörşümüze, dördimizem çaga ýalydyk. Sarwar menden 2-3 ýaş uludyr. Menem gyzlardan 3-4 ýaş uly.
Onsoň ol gürrüň, bu gürrüň, ol degişme, bu degişme diýip durkam, içimden bu gyzlaryň meň üçin däldigine ynamym ulanýardy, eger men şol gyzlary başda göz öňünde tutanam bolsam. Sebäpleri? Köp! Olaryň eýýäm amerikanlaşandygyndan başlap, hiç wagt türkmen medeniýetine ýakyn bolmadyklaryna çenli. Gyzlaryň adamçylygy, özleri gül ýaly. Ýöne bir hili mentalitet deň gelmän bilýä. Emma Amerikada galjak bolsaň, onda belkem bolaram...
Olar barada käbir pikirlere we şondanam netijelere gelemsoň, özümi hem olardan tapawutly alyp barmadym. Näme üçin şeýdeýin?!
Soň gidip uşşaldakda(hiňňildikde, na kaçelýah) uçdym. Soň Parkdaky çagalar üçin ýerlerde oýnadyk. Maňa ýene bir gezek "sen hor" diýdiler. Men öňi-soňam bilýädim. Ýöne gyzlara olaryň defektleri barada aýtmadym, ýüregi ýarylaýmasynlar :D
Şeýdip durkak, olar maňa "Bäşim daýylary" barada gürrüň berdiler. Olam men ýaly patriotmyşyn we olam, men ýaly, taryh bilen gyzyklanýamyş we köp bilýämiş, asyl maňa meňzeýämiş... ýa-da tersine, men oňa meňzeýämişim.
Şeýdip duruşlaryna, olara ejeleri jaň etdi. Bir görsem, biziň hemmämizi öýlerine çagyrýamyşlar. Hmmm...
-Aý giç boldy. Mundan soň New Jersey gitmeli, men ondan soň bolsa, Delaware gitmeli.
-Ýok, çagyrdyk! Bäşim daýymam, ejemem tanyşmak isleýä! Naharam bişiripdirler!
-Aýýý... çekinýänä :) Ýo asyl çekinemokda, bir hili dälmaý?
-Ýok, hiç hilem däl
-Bolýa, özümi akylly alyp bararyn ýaşulylaryň ýanynda :) Meni alyp diýip tanaýandyrlar, alym ýaly bolaryn :D
Ýola düşdik. Ýagyş goýup, gün çykypdy. Howa gaty gowudy. Ýolda
-Biz seniň ýaly türkmeni hiç haçanam görmedik!
-Näme manyda?
-Aý şähdaçyk, gülkünç we güldürýän, keýpli.
-Näme üçin?
-Aý türkmenler köplenç "serýozno" alyp barýalar özlerini. Dommyrak.
-Hmmm... her hilileri bardyr. Siz Marylylary gören dälsiňiz! :D
Başga-da gürrüňler boldy. Içimden aýdýan, "men nebsime buýrup bilmesem, şu gyzlardan birini, esasanam ulyny, arkaýyn yryp bilýän. SABYR" diýýän...
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Girdik öýlerine. Içi gaty owadan, gaty lýukse meňzeýä. Daşy "ýönekeý" kwartira bolsa-da, içi gül-päpe ekeni. Ejeleri owadan daýza, ady ýadymdan çykdy. Amine öýdýän. Bäşim daýylary... oň bilen türkmençe gepleşdim, gyzlar we ejeleri, Sarwar bilen bolsa, orsça gepleşýädim
-Inim sen nirden?
-Sandykgaçy Winsowhoz, Tagtabazardan. Marylyda garaz
-Menem Saýatly. Nämä geleňizýok?
-Aý ine geldigä. Agam "geleňizýok" diýdiň welin, sen ärsary öýdýän.
-Hawa, sen?
-Men hem ärsary.
-Näme edýoň bärde?
-Aý ine şeýle şeýle...
Olam özi barada gürrüň berdi. Gaty alçak we şähdaçyk adam ekeni. Ejelerem gowy nahar taýynlapdyr.
-Aý azar etmeseňizläň, bizä salamlaşyp çykjakdyk
-Siziň üçin taýyn etdik, çykmaň.
Oturyp naharlandyk. Bäşim daýyny diňledik, özümiz barada aýtdyk. Başim daýysy arak-şerap hödürledi we özi "jyňkytdy". Biz almadyk. Soň gürrüň maňa geldi, gyzlar meniň taryhçy we patriotdygymy aýtdylar. Ol gürrüň dowam etdi. Men şeýle gürrüňe başlamda üýtgeýän, gyzlar derrew aýtdylar. Bolmasa şähdaçyk ýaş oglan ýaly.
Soň sag bollaşdyk we çykdyk. Yzymyza ýolda düşdik. Ýolda Sarwaram, menem halanymyzy aýtdyk.
Sarwarlara agşam 8 töweregi geldik. Men derrew yzyma gaýtmak isledim, olar meni alyp galjak boldular. Men ertesi öýde nobatçydym, ertirligi taýynlamalydym. Ondan başga-da, ertesi laboratoriýa gelip SQUID magnetometer'i ulanmalydy, sebäbi suwuk geliý boşuna gitmeli däldi. Bu zatlary aýdamsoň, ýene google mapden salgy alyp, ýola çykdym. Ýene gije...
Çykyp barýakam azaşdym we ýene tas awariýa düşýädim. Aýlanyp, aýlanyp, ýene ol şäherçäniň köçelerini öwrendim we yzyma ýoly tapdym. Ýolda google mape görä hereket edýänimi etmeýänimi käwagt bilemokdym. Biribara umyt baglap, geldim öýe. Soň gyzlaryň ulysyna jaň edip, ýene bir gezek sag bolsun aýtdym we öýündäkileri bilen bile, öz öýümize çagyrdym. Olam kontaktyň ýitmeli däldigini, görüşip durmalydygyny aýtdy.
Menem indi nebsimi gamçylap ýörün...
Ine bar bolan waka. Bu entägem gysgaldylan görnüşi :)
---------------------------------------------------------
Adam bolup adam gadryn bilmeýen,
Ondan ýene otlap ýören mal ýagşy.

Molodes man, sheydip aylanyshdyryp yorsen yurek gysgynjam
boljak dala :)))

Menem gechen hepde yene 1 mugallym bilen 3 sany okuvchyny
olimpiada akitdik, 270 km uzaklykdaky 1 shahere, shonda
gidishin google maps'den ugur alyshyma gora men yoly salgy
berip gidipdim, gul yaly bardyk, 2-nji gun olimpiadany hem sovduk, son yzymyza gaydyshyn men azajyk uklapdyryn velin, ol
mugallymam yalnysh yere gidayipdir :)) Garaz, chepe ovrulmeli
yerde goni dovam edip, 45 km dagy gechen ekenik, son yene
yzymyza gaydyp, dogry yoldan dovam etdik, 270 km'lik yoly,
360'a chykardyk sheydip...

Gowy ýazgy bolupdyr, ýaman haladym.

Bir polýaga gaharym gelýädi, soň gije ýatmankam şu blogy okadym welin ýagyşyň içinde şony depip hezil etdim :)

paid tha cost to be da Bo$$

Tuweleme Bayram aga pikirlerini "in order" goyup dash etyan! Mugallymchylygyn dashyndan yazyjylygy hem dash edersin:)

Meninem bolyan shtatyma iki sany turkmen gelipdir...Bishkek'de okayan studentkalar, bir yyllyk unive...Arada appoinment belledik, son ol gyzjagazyn biri juda ishli bolup, goybolsun etdik:( Yone tizden dushushaly diyip goyduk, nesip bolsa indiki 5nji gun gidaymesem, okayan univine...

Beh.. Kimka olar?:)

Bayram, telpek, jigim!
Haýran galýan-eý seniň şu gyzykly edip ýazyşyňa!
Emenýänem :))
Aý, men çopandda beýle wakalar bolanok-da, gyz diýseň duran ýerim, gaçypatalga gözleýän derrew, bugunlerde bolsa meni işiň içine çekjek bolýan yaly kä agzalar :))
Indiki gezeklerde has ünsliräk sür-ow maşynyňy, sen entäk ýaş, görjegiň öňüňde :))

"Elinden we dilinden beýleki ynsanlara zeper gelmeýän kämil ynsan bolmak dilegi bilen!"