MILLI DEREJEDEN HALKARA DEREJESINE ÇYKYLÝAR.
Geçen dynç alyş günlerindäki köpsanly bäsleşikleriň arasyndan, Aşgabadyň atçylyk-s...MILLI DEREJEDEN HALKARA DEREJESINE ÇYKYLÝAR.
Geçen dynç alyş günlerindäki köpsanly bäsleşikleriň arasyndan, Aşgabadyň atçylyk-sport toplumynyň aýlawynda iň gowy ahalteke bedewi saýlamak boýunça halkara bäsleşiginiň birinji tapgyry sport muşdaklarynyň arasynda uly gyzyklanma döretdi. Gözden geçirilişe arassa tohumlara degişli “behişdi bedewleriň” onlarçasy gatnaşdy. Olardan iň oňat bedewleriň 20-si saýlanyp alyndy. Wekilçilikli eminler ahalteke bedewlerine diňe bir daşky gurluşy —gözelligi, görmegeýligi, ýalynyň boýy we beýleki häsiýetleri boýunça baha bermek bilen çäklenmän, olaryň sportda gazanan netijeleri – at çapyşyklaryna we has uzak aralyk boýunça çapyşyklara gatnaşandygyny göz öňünde tutdular. Gözden geçirilişiniň indiki tapgyry 19-njy aprelde, şu ýerde – Aşgabadyň atçylyk sport toplumynyň aýlawynda geçiriler. Şonda emin agzalarynyň düzüminpe daşary ýurtly hünärmenler hem goşular we olar jemleýji tapgyra gatnaşjak bedewleriň onusyny saýlarlar.
TDH
Geçen dynç alyş günlerindäki köpsanly bäsleşikleriň arasyndan, Aşgabadyň atçylyk-sport toplumynyň aýlawynda iň gowy ahalteke bedewi saýlamak boýunça halkara bäsleşiginiň birinji tapgyry sport muşdaklarynyň arasynda uly gyzyklanma döretdi. Gözden geçirilişe arassa tohumlara degişli “behişdi bedewleriň” onlarçasy gatnaşdy. Olardan iň oňat bedewleriň 20-si saýlanyp alyndy. Wekilçilikli eminler ahalteke bedewlerine diňe bir daşky gurluşy —gözelligi, görmegeýligi, ýalynyň boýy we beýleki häsiýetleri boýunça baha bermek bilen çäklenmän, olaryň sportda gazanan netijeleri – at çapyşyklaryna we has uzak aralyk boýunça çapyşyklara gatnaşandygyny göz öňünde tutdular. Gözden geçirilişiniň indiki tapgyry 19-njy aprelde, şu ýerde – Aşgabadyň atçylyk sport toplumynyň aýlawynda geçiriler. Şonda emin agzalarynyň düzüminpe daşary ýurtly hünärmenler hem goşular we olar jemleýji tapgyra gatnaşjak bedewleriň onusyny saýlarlar.
TDH
Ýazylan saýty: ertir.com · Çeşme: Web Archive nusgasy — ertir.com, 12 fewral 2015 ý. · Asyl sahypany gör ↗