Köp adamlaryň kitap ýa-da beýleki neşirleri okamaga wagt tapmaýanlygyndan nägile bol­ýan bolmaklary mümkin. Türkiýede çap edilýän “Sızıntı” žurnalynyň okyjylary žurnala ýerleşdirilen makalalardyr habarlary ştrih-kod arkaly diňläp bilerler. Her sahypa ýerleşdirilen ştrih-kodlary internet baglanyşygy bolan we şeýle kodlary okap bil­ýän ýörite telefonlar arkaly diňlemek bolýar. Bu telefon ştrih-kody okaýar we internet bag­lanyşygy arkaly makalanyň ýazgysyny telefo­na göçürýär. Şeýlelikde, bu ýazgylary günde­lik işlerimizi ýerine ýetiren mahalymyz hem diňläp bolýar. Makalalar kompýuterler tara­pyndan däl-de, adamlar tarapyndan okalyp, ýazgy edilipdir. Her bir makala, goşgy ýa-da habar ajaýyp sazlar bilen bezelipdir. “Akylly telefonlaryň” hemmesi diýen ýaly ştrih-kodla­ryny okap bilýär.

sagbol dost

Hezillik eken onda

Uçýan awtoulaglar ABŞ-nyň Nýu-Ýork şäherinde 6-njy aprelde “Halkara awtoulag sergisi” öz işine başlady. Şol sergide uçýan awtoulaglar halk köpçüligi­ne görkezildi. “Terrafugia Transition” şereketiniň öndüren iki orunlyk uçýan awtoulagy bu ýere gelen myhmanlaryň ünsüni özüne çekdi. Sagatda 165 kilometr tizlik bilen hereket edýän bu ulag adaty awtoulag ýangyjy bilen hereket edýär. Şereketiň baş dolandyryjysy Karl Ditirih birnäçe ýyldan soňra uçýan awtoulagy kämil­leşdirmek we ony halk köpçüligine hödürle­mek arzuwlarynyň hasyl bolandygyny belle­ýär. Täze ýasalan awtoulagyň bahasynyň 297 müň dollardygyny ýatladýan baş hünärmen häzirden bu ulagy satyn almaga isleg bildir­ýän müşderileriniň bardygyny aýdýar. Ditirih awtoulagyň ilkinji uçuş synaglarynyň ýerden 420 metr beýiklikde üstünlikli geçendigini we bu synaglaryň 2012-nji ýylyň ahyryna çen­li dowam etjekdigini nygtaýar. Bu ulagyň gel­jek ýyl satuwa çykarylmagy maksat edinilýär. HER HILI HOWA ŞERTLERINDE... Uçýan awtoulag her hili howa şertlerine çy­damly edilip ýasalypdyr. Müşderileriň aglaba­sy bu ulagy dynç almak maksady bilen satyn almak isleýärler. ÝEWROPANYŇ ELEKTRIKLI UÇÝAN AWTOULAGY “Terrafugia Transition” şereketiniňkiden baş­ga-da uçýan awtoulaglar bar. Gollandiýanyň “PAL-V Europe NV” şereketi “PAL-V” atly uç­ýan awtoulagyny halk köpçüligine görkezdi. Şereketiň hünärmenleri bu täze ulag görnüşi­niň synaglarynyň üstünlikli geçendigini mä­lim edýärler. Iki orunlyk bolan bu ulagyň esa­sy aýratynlyklarynyň biri bolsa elektrik energi­ýasy arkaly hereket etmegidir.Üç tekerli bu ulagy göreniňde, dikuçar ýadyňa düşýär. Se­bäbi, ol ulagda ganat ýerine perrik bar. Şere­ketiň wekilleri bu ulag üçin ýörite infrastruk­turanyň bolmagynyň hökman däldigini mä­lim edýärler. Bu ulagy adaty gara ýollarynda sürmek mümkin. Howa şertleriniň ýagdaýyna görä 350 we 500 kilomtre çenli ýol geçip bil­ýär. Hünärmenler bu ulagyň geçirilen synag­larda sagatda 180 kilometr tizlige ýetendigi­ni aýdýarlar. Adaty awtoulag ýangyjy bilen hem hereket edýän bu ulagyň energiýa çeş­meleri bilen hereket edýän görnüşleriniň hem öndürilmegi maksat edinilýär. Ulag 165 metr beýiklikden uçup bilýär. Bu ulagyň sürü­jilik şahadatnamasyny amak üçin 20-30 sa­gatlyk sapak almaly bolýar. 1300 metre çenli belentlikden uçup bilýän bu ulagyň adaty uçarlara päsgelçilik döretmejekdigi bellenil­ýär. ILKINJISI SATUWA ÇYKARYLDY ABŞ-daky “Courtesy Aircraft” şereketi dünýä­de ilkinji bolup ýasalan “Aerocar” atly howa­da uçýan awtoulagy satuwa çykardy. Bu awtoulagyň dizaýnyny inžener Molton Teýlor baryp-ha 1949-njy ýylda tamamlapdy. Onuň bahasy bolsa 1,3 million dollardyr. Şol wagt­lar bu ulagdan diňe 6 sanysy ýasalypdyr. Häzi­re çenli bu ulagy almaga isleg bildirýänleriň sany 500-e ýetipdir. Diňe iki orunlyk bolan bu uçýan awtoulagyň tizligi sagatda 176 kilo­metre ýetýär. Ýasalanyna 63 ýyl bolan bu ula­gyň ganatynyň uzynlygy 9,2 metre deň bo­lup, onuň ýerdäki tizligi sagatda 96 kilomet­re ýetýär.

Hezil ekenaý awtoulagyñ b.n ol welaýatdan beýleki welaýata ucup gidäýmeli

yopdyyyyyyyy