Magtymguly Pyragynyň şygryýet güni Beýik akyldarymyz Magtymguly Pyragynyň şygryýet güni mynasybetli dabaraly çäre geçirildi Posted 27.05.2011 08:35:53 UTC Updated 27.05.2011 17:06:20 UTC www.trtturkmen.com Türkmenistanyň Türkiýe Respublikasynyň Baş konsullygy (Stambul ş.) tarapyndan 2011-nji ýylyň 24-nji maýynda Dünýäniň belli500 uniwersitetleriniň hataryna girýän Türkiýe Respublikasynyň Stambul uniwersitetiniň rektorlyk zalynda Beýik akyldarymyz Magtymguly Pyragynyň şygryýet güni mynasybetli dabaraly çäre geçirildi. Bu çärä Türkmenistanyň Baş konsulygynyň işgärleri, Stambul uniwersitetiniň rektory Prof.dok. Ýunus Söýlet, Prorektory Prof.dok. Jewat Açar, Edebiýat fakultetiniň dekany Prof.dok. Korkut Tuna, Jemgyýetçilik bilimleri kafedrasynyň müdiri Prof.dok. Mustafa Özkan, Edebiýat fakultetiniň dosenti doktor Nurjan Güder, Türkmen-türk arkalaşma we ýardamlaşma jemgyýetiniň başlygy Nejdet Aýgün we Ankara şäheriniň Ankara uniwersitediniň dosenti Berdi Saryýewiň gatnaşmagynda geçdi. Konferensiýa Stambul uniwersitetiniň mugallymlary, professorlary, türkmen we türk talyplary hem-de türkmen diasporasynyň wekilleri gatnaşdylar. Konferensiýada çykyş edenler iki dostlukly döwletiň arasyndaky gatnaşyklaryň barha ilerleýändigini belläp, dostluk-doganlygyň, parahatçylygyň dowam etmesini arzuw etdiler. Çykyş eden alymlar Döwletmämmet Azadynyň, Magtymguly Pyragynyň ömri we döredijiligi barada gürrüň berdiler. Stambul şäheriniň dürli uniwersitetlerinde okaýan Türkmen talyplary Jumaşowa Maýsa, Şepagatow Batyr, Yslamkulow Wepa, Atalyýewa Annajemal we Amangeldiýew Gurbandurdy dagylar tarapyndan Magtymguly Pyragynyň şygyrlary okaldy. Şeýle-de beýik akyldaryň ömri we döredijiligi barada türk dilinde taýýarlanan wideo rolik görkezildi. Dabarada türkmen milli gymmatlyklarynyňsergisiguraldy,şeýle hem türkmen milli tagamlaryhödür edildi. Dabara gatnaşanlaryň arasynda Stambul uniwersitetiniň dekanlary, Türkiýe Respublikasynyň Halkara hyzmatdaşlyk jemgyýetiniň başlygy İbrahim Danajylar, “Türkiýe” gazetiniň we “Ekovitrin” ykdysady žurnalynyňmetbugat sekretarlary gatnaşdy. Çärägatnaşyjylar tarapyndan bu dabaranyň uly derejede guralmagynyň iki döwletiň hoşniýetli gatnaşyklarynyň netijesidigini bellenilip geçilmegi bilen halklarymyza mundan beýläk-de doganlyk gatnaşyklarynyň berkemegini arzuw edildi.